VAZ-2106 Ən yaxşı rus maşınının yaranması və tarixi (Azərbycan dilində)

Kanala abunə olun: https://www.youtube.com/channel/UCUKlLewdtQPhU7NiynWjE1A

VAZ-2106 – Sovet və Rusiya istehsalı sedan kuzov tipli kiçik sinif arxa ötürücülü avtomobildir. VAZ-2103 modelinin təkmilləşdirilmiş versiyasıdır və 1976-cı ildə Volj avtomobil zavodundan başlamaqla 2006-cı ilə qədər buraxılmışdır. 1998-ci ildə istehsal hissə-hissə Sızranda yerləşən Roslada, 2001-ci ildə Ukraynanın Xerson şəhərində yerləşən Anto-Rus, 2002-ci ildə isə İjevskdə yerləşən İj-Avto müəssisəsinə köçürülmüşdür. Maşın 2006-cı ildə istehsaldan çıxarılanadək İj-Avtoda buraxılmışdır. Tolyattidə son VAZ-2106 2001-ci ilin 28 dekabrında yığılmışdır. Ən kütləvi və məşhur sovet maşını müxtəlif zavodlarda 4.3 milyondan çox tirajla istehsal olunmuş və yığılmışdır. 06-nın uzunluğu 4166, eni 1611, hündürlüyü 1440, təkər bazası 2424 mm-ə bərabərdir. Çəkisi 1035 kq, yanacaq çəninin həcmi isə 39 litr təşkil edir. VAZ-2106-nın hazırlanması 1974-cü ildə Volj avtozavodunun stil mərkəzinin mütəxəssisləri tərəfindən 21031 layihəsi kimi başladılmışdı. 21031 istehsalı yenicə mənimsənilmiş VAZ-21011 modelinə analoji idi. 2103 modelinin yenilənməsi üçün texniki tapşırığın tələbləri bahalı xrom və metal detalların ixtisarı, həmçinin minimum xərclə işıq texnikasının son Avropa standartlarına qədər təkmilləşdirilməsi ilə bağlı idi. Avtomobilin həmin dövrün ruhuna uyğun olaraq qara plastikin istifadə edildiyi eksteryeri Antipin, orijinal arxa fənərlər isə Stepanov tərəfindən yaradılmışdı. Ön üzlük, arxa baqaj paneli, bamperlər, təkər qalpaqları, yana dönmə işıqları, ventilyasiya barmaqlıqları, zavod nişanı dəyişilmişdi. Sovet dizaynerlərinin fikirlərinə görə Fiat embleminin yuxarıdan dartılması ilə alınmış VAZ-2103 firma nişanında heraldik qayığın silueti ciddi şəkildə pozulmuşdu. 2106-da isə o düzəldildi. İnteryerdə üzlüklər və qapı dirsəkaltıları dəyişildi. 1977-ci ilə qədər VAZ-2103 dirsəkaltıları quraşdırılırdı. Oturacaqların yuxarısı velürdən oldu, öndə isə hündürlüyü tənzimlənən başaltılar yerləşdirildi. Ucuz tərtibatlı versiyalarda VAZ-2103 oturacaq dəsti quraşdırıla bilirdi, amma yenə də öndə başaltılar nəzərdə tutulmuşdu. İdarəetmə orqanlarına qəza siqnalizasiyası, alın şüşəsinin yuyucusunun sükanaltı keçirici ilə işlədilməsi və cihazlar panelinin işıqlandırılmasında reostat əlavə edildi. Konsolda əyləc mayesinin aşağı səviyyəsinin ayrıca nəzarət lampası yarandı. VAZ-2103-də o, əl əyləcinin indikatoru ilə birləşdirilmişdi. Yanıb-sönmə əyləcin aktiv olduğunu, daimi yanma isə çəndə aşağı maye səviyyəsini göstərirdi. Daha yaxşı komplektasiyalar radioqəbuledici, arxa şüşə qızdırıcısı və arxa bamperin altına bərkidilmiş qırmızı dumanəleyhinə fənərlə təchiz olunurdu. Həmin fənər adi halda sol, sükanı sağda olan eksport nümunələrində isə sağ tərəfdə olurdu. VAZ-2106 4 faralı əsas işıq sistemi ilə təchiz olunmuş sonuncu kütləvi sovet avtomobili və ventilyasiyalı nəfəslik və təkər qalpaqları ilə təchiz olunmuş sonuncu Jiquli modelidir. VAZ-2106-nın arxa fənərlərində Sovet avtosənayesi üçün ilk dəfə olaraq bütöv korpusda döngə işıqları, qabarit işıqlar, stop-siqnallar, arxaya hərəkət işıqları və işıq qaytarıcıları yerləşdirilmişdir. Antipin onu da qeyd edib ki, nömrə işıqlarının arxa fənərlərdə yerləşdirilməsi halı da dünya təcrübəsində ilkdir və ayrıca patentə hüququ çatır. Avtomobil üçün 2103 mühərrikinin bir variantı hazırlanmışdı. 21011 motorunun yaradılması yolu ilə gedərək silindrlərin diametri 76-dan 79 mm-ə qədər artırıldı. Nəticədə 1.57 litr iş həcmi alındı. Yeni uzun gedişli motor baza ilə müqayisədə daha aşağı dövrələrdə 12% çox fırlanma anı verirdi. Lakin brutto güc həmin dövrdə qüvvədə olan standartlara görə təkcə 78 at gücü təşkil etdi. Bu modelin mühərriki ən güclü sovet seriyalı kiçik litrajlı avtomobil motoru sayılır. Reallıqda 75 at gücü hasil edən motorla 06 16 saniyəyə saatda 100 km-i yığır, saatda 152 km-ə qədər sürətlənə bilir. Yanacaq sərfiyyatı isə şəhərdə 100 km məsafəyə şəhərdə 10-11, şəhərdən kənarda 7-8 litr təşkil edir. Yeni giriş sistemlərinə görə 80 at gücü almaq ehtimal olunurdu, lakin digər mühərriklərlə eyniləşmə üçün girişi dəyişmədilər. Buna baxmayaraq sürət qutusunu yeni mühərrikə uyğunlaşdırdılar. Əvvəlcə ilk 3
pillədə azaldılmış ötürücü sayı ilə fərqlənən xüsusi sürət qutusu yaratdılar. Daha sonra isə avtomobillərin bir hissəsini əsas cütü 3.9-a qədər azaldılmış ötürücü saylı reduktorla təchiz etdilər. İlişmə də dəyişildi: Diafraqma yaylarının sərtliyi və friksion yamaqların sahəsi artırıldı. Minimal dəyişikliklər edilmiş yeni güc aqreqatı həmin vaxt istehsalına hazırlanan VAZ-2121 Niva modeli üçün də istifadə edilmişdi. Nivanın VAZ-2106-dan mənimsədiyi digər əsas elementlər faralardan başqa bütün işıq siqnalizasiya dəsti və ön oturacaqların başaltıları oldu. 1986-cı ilin qiymət siyahısına əsasən VAZ-2106-nın qiyməti 9100 rubl təşkil edirdi. Nivanın konstruktiv cəhətdən mürəkkəbliyinə baxmayaraq qiyməti 9000 rubla bərabər idi.

Видео VAZ-2106 Ən yaxşı rus maşınının yaranması və tarixi (Azərbycan dilində) канала AvtoDunya