Мирзиёевнинг рафиқаси қирғизларни маҳлиё этди - BBC O'zbek

Қирғизистон матбуоти 5-6 сентябр куни турмуш ўртоғи Президент Мирзиёев билан Бишкекка ташриф буюрган Зироатхон Мирзиёевага ҳам алоҳида эътибор қаратди. Мақолаларда Ўзбекистон биринчи хонимининг қадди-қомати, дид билан кийиниши ва ўзини тутиши четда қолмаган.

"Қирғиз интернет фойдаланувчилари Ўзбек хонойимининг қоматига маҳлиё бўлди", деб мақола ёзди super.kg нашри.

Унда айтилишича, Президентга ҳамрохлик қилган Зироатхон Мирзиёева дарҳол қирғизистонлик интернет фойдаланувчиларининг назарига тушган.

"Қирғиз интернет фойдаланувчилари биринчи хонимнинг гўзаллиги, қоматига маҳлиё бўлиб, учоқдан тушар-тушмас муҳокама марказида бўлди. Мирзиёевнинг рафиқаси омма олдида тез-тез пайдо бўлмайди", деб ёзади нашр.

Мирзиёевнинг рафиқасига tuz.kg сайти ҳам эътибор қаратган.

"Юртдошларимиз Мирзиёевнинг рафиқаси - биринчи хонимига тўғри маънода қойил қолишди. Ёрқин, дидли ва ҳайратланарли қоматга эга Зироатхон Ҳошимова қирғизистонликларнинг юрагини забт этди", - деб ёзади tuz.kg.

Nur.kz сайти ҳам аэропортда Мирзиёевга ҳамрохлик қилган Зироатхон Мирзиёева дарҳол интернет фодаланувчиларининг оғзига тушгани ҳақида ёзган.

Президент Мирзиёевнинг рафиқаси турмуш ўртоғи билан Хитойга борганида ҳам қомати билан матбуотнинг назарига тушган эди.
Би-би-си Ўзбек хизматининг видеоларини www.bbcuzbek.com да ҳам кўришингиз мумкин.

Видео Мирзиёевнинг рафиқаси қирғизларни маҳлиё этди - BBC O'zbek канала BBC Uzbek