Şamaxı, Çuxuryurd kəndi, Çuxuryurd gölü / (12.05.2021)

Gəzdim Lənkəranı, gəzdim mən Qaxı,
Məni heyran etdi ulu Şamaxı.
İlk dəfə görmüşəm mən bahar çağı,
Şairlər yurdudur gözəl Şamaxı.
Şirvan torpağıdır həm solu, sağı,
Elimin muğamı, sözü Şamaxı.
Nəsimi soyuldu, el dedi ağı,
Şairə yas tutdu eli Şamaxı.
Səhhətin, Hadinin şeiri cövhərdi,
Qışımda, qarımda yaydı Şamaxı.
Hər gələn mehmanı qardaş sanırlar,
Ulduzdu, günəşdi, aydı Şamaxı.
Yavər Kələntərli yandırdı, yaxdı,
Gecələr ulduzu saydı Şamaxı.
Seyid Əzim, Sabir sözün bulağı,
Xanəndə Alimə kökdü Şamaxı.
Zabitin, Mələyin səsi nə şirin
Qədim Bakımıza taydı Şamaxı Elnarənin səsi qəmlər oylağı. Hacının tarına teldi Şamaxı.
Vüqar Əhməd dedi, söylədi axı,
Elimin gözüdür, gözəl Şamaxı.

✍️: Vüqar Əhməd
🎶: Nişanə Baxışova

Видео Şamaxı, Çuxuryurd kəndi, Çuxuryurd gölü / (12.05.2021) канала Şamaxı ws