NERABEEN GARRASIA: 1x00.- Osasun mentala zaintzeko podcasta

Maiatzaren 16tik aurrera EITB Podkast atarian eta EITBren YouTubeko kanalean, ostegunero saretuko da Nerabeen Garrasia podkastaren atal bana, uda aurretik eta ostean.

Nerabeek egungo gizartean bizi duten zaurgarritasunaren adibideak eguneroko ogia dira, areago pandemia osteko aroan. Aldaketa garaian dauden gazteen antsietate, ezinegon edota elikadura nahasmendu kasu gehiago azaleratu dira. Zergatiak asko izan litezke, eta ez denak nerabeei dagozkienak.

Irudiz eta audioz jarraitu ahalko diren Nerabeen Garrasia podkastaren 22 ataletan aztertuko dituzte Telmo Lazkanok eta Maitane Ormazabalek gazteak zaurgarri egiten dituzten elementuak, tartean sare sozialak, bullyinga, antsietatea, baloreak, elikadura nahasmena, identitatea, neurologia edo autoestimua… besteak beste. Adibide batetik abiatuta eta gai hauekiko kalean dagoen pertzepzioan oinarrituta, hausnarketa sortzea eta egonezinaren iturburuan sakontzea izango dute helburu.

Internetek gazteengan duen eragina aztertu eta ondorio kaltegarrietatik babesteko estrategiak lantzen ari den Gazteria eta Haurtzaro Ministerioaren aholkulari taldeko kideak dira podcastaren gidariak, eta eskarmentua dute hezkuntzan terapeuta gisa.

"Nerabeen garrasia. Osasun mentala aldaketa garaian" izeneko liburua kaleratu zuten Telmok eta Maitanek 2023an; podcast formatura ekarri dute orain hausnarketa hori guztia.

Nerabeen Garrasia podcasta, OnTimek Ekoitzi du EITB Podkasterako.

🎥Harpidetu zaitez: https://www.youtube.com/eitbeus

👇Informazio gehiagorako:
https://www.eitb.eus/

📲Jarrai gaitzazu sare sozialetan:
Facebook: https://www.facebook.com/eitb/
Twitter: https://twitter.com/eitbeus
Instagram: https://www.instagram.com/eitb/

Видео NERABEEN GARRASIA: 1x00.- Osasun mentala zaintzeko podcasta канала eitb