Алматыда тағы да бір азамат вакцина салдырған соң жансақтау бөліміне түсті

Алматыда 8 мамырда коронавирусқа қарсы вакцина алған азамат ауруханаға түсті. Рымтай Алимпияев «Спутник V» вакцинасының екінші компонентін алып үйіне келген соң өзін жайсыз сезінген. Ол 9 мамыр күні таңға жуық қалшылдап ауырып, есінен танып қалған. Бұл туралы Azattyq Rýhy тілшісіне науқастың туыстары хабарлады.

Жедел жәрдем қызметімен Қалалық №4 клиникалық ауруханасына жеткізілген 44 жастағы азамат бірден жансақтау бөліміне жатқызылыпты. Науқастың әпкесі Гүлзира Алимпяеваның айтуынша інісі аурухана түсерден бір күн бұрын №5 қалалық емханада COVID-19 вирусының алдын алуға арналған ресейлік вакцинаның екінші дозасын салдырған.

«Інім осы күнге дейін арнайы әскери жасақта істеп, зейнетке шыққан. Ондай әскери адамдар ылғи дәрігерлердің бақылауында болады. Жыл сайын тексеріліп отырады. Денсаулығына шағым айтқан емес. Зейнет демалысына шыққан соң бір медициналық мекемеде жүргізуші болып жұмыс істеп жүрген. Сол жере вакцина алуға мәжбүрлегені белгілі болды. Жұмыстан шығасың деп қоқыту болған. Себебі бала-шағасы бар, кім жұмыстан айырылғысы келеді. Сондықтан амалсыз барған. Вакцинаның 1- ші компонентін Алматыдағы №5 емханадан алған. Бірақ ол азаматта аллергиялық ауру белгілері болатын. Кез-келген препаратқа, антибиотиктерге аллергиясы болған. Емханада медотвод (вакцинадан бас тарту жағдайы-ред.) жасамаған болып тұр. Ауызша сұраған да, сала салған»,- дейді Гүлзира Алимпияева.
Бірінші вакцина алған соң бас ауруы басталған. Ылғи ауруын басатын дәрі ішкен. Содан 21-ші күні Рымтай Алимпияевқа хабарлама келеді. Екінші компонентін алуға мәжбүрлі болған.

Сегізінше мамыр екінші компонентін алып келген соң, ертесі ұйқыдан тұрғанда, киініп жатып дірілдеп-қалтырап құлайды. Ол жедел жәрдеммен №4 клиникалық ауруханаға жеткізілген.

Біздің сайт: https://azattyq-ruhy.kz
Instagram: https://www.instagram.com/azattyq.ruhy/
Facebook: https://www.facebook.com/Azatruhy/
Telegram: https://t.me/azattyq_ruhy
Twitter: https://twitter.com/AzattyqRuhy

Наш сайт: https://rus.azattyq-ruhy.kz/
Instagram: https://www.instagram.com/azattyq.ruhy/
Facebook: https://www.facebook.com/Azatruhy/
Telegram: https://t.me/azattyq_ruhy
Twitter: https://twitter.com/AzattyqRuhy

Видео Алматыда тағы да бір азамат вакцина салдырған соң жансақтау бөліміне түсті канала Азаттық рухы / Азаттык / Azattyq ruhy tv