GÜNÜN VACİB ƏSAS XƏBƏRLƏRİ.! 23.08.2020 SON DƏQİQƏ XƏBƏRLƏR.! AKTUAL XƏBƏRLƏR.!

#sonxeberler #xeberlerbugün #sondəqiqə
Əgər Türkiyə özü çıxaracağı qazla bərabər Azərbaycan və İran alternativlərindən istifadə edərsə, onda Rusiya qazına ehtiyacı qalmayacaq.
Axar.az xəbər verir ki, bunu rus ekspert Mixail Krutixin ölkə mətbuatına açıqlamasında deyib.
“Türkiyə lazım olan sərmayələrlə işlərə başlasa, 2023-cü ildə qaz çıxara biləcək. Hazırda Türkiyə illik 47-48 milyard kubmetr qaz istehlak edir. Bu qazın bir hissəsini Azərbaycandan, bir hissəsini isə İranda alır. Əgər Türkiyə özü çıxaracağı qazla bərabər Azərbaycan və İran alternativlərindən istifadə edərsə, onda Rusiya qazına ehtiyacı qalmayacaq”, - M.Krutixin bildirib.

#xəbər #haber #newsPrezident Administrasiyasının sabiq rəhbəri, AMEA prezidenti Ramiz Mehdiyevin kürəkəni, eks-deputat İlham Əliyev və onun qudası Rövşən Mustafayev cəzalandırılıb. Abşeron Rayon Məhkəməsinə gətirilən qudaların hər birinə məhkəmə 15 sutka həbs cəzası kəsib.
Mətbuatdan məlum olduğu kimi, avqustun 18-də R.Mehdiyevin kürəkəni öz bağ evində qızı Fidan Əliyeva üçün toy mərasimi təşkil edib. Hazırda Bakı və Abşeron rayonları ərazisində tətbiq olunan karantin rejimi qaydalarına zidd olaraq təşkil olunan toy mərasimi ciddi rezonans doğurub. Məsələ ondadır ki, toyu təşkil edənlər və qonaqların bir çoxu cəmiyyətdə tanınmış simalar olub, bir qismi daha əvvəl, bir neçəsi isə hazırda yüksək dövlət vəzifələri tutan şəxslərdir.
Gəlinin babası, toyda iştirak edən cənab Mehdiyev uzun illər dövlətin ən yüksək postlarından birinə rəhbərlik edib, hazırda Milli Elmlər Akademiyasının prezidentidir. Belə bir şəxsin hazırda tüğyan edən pandemiyanı və onunla əlaqədar tətbiq olunan və dövlətin qəbul etdiyi karantin qaydalarını saya salmayaraq toy etməsi haqlı olaraq qəzəb və etiraz doğurub.
Çünki bu qaydalar Ramiz Mehdiyevin uzun illər yüksək vəzifə tutduğu və bu gün də ona etimad göstərən dövlət və dövlət başçısı tərəfindən qəbul olunub. Ancaq görünür, illərin təcrübəsi bəzən şəxsi mənafenin tələbləri qarşısında gücsüz qalır.
Lakin Mehdiyevdən fərqli olaraq dövlət başçısı qanunların şəxsi münasibətlərdən, maraqlardan önə çıxmasına imkan vermədi. Bu gün qudaların – onlardan biri keçmiş deputatdır - məhkəmə zalına gətirilib qandallanması Ramiz Mehdiyevə və ümumilikdə bu düşüncədə olanlara sərt mesajdır.
Heç kim dövlətin qoyduğu qanunlardan üstə keçə bilməz, ona meydan oxuya bilməz.
Cənab Mehdiyev hər zaman İlham Əliyev məktəbinin şagirdi olduğunu, ondan öyrəndiyini deməyi sevir. Görünür, yaddaş təzələməsi lazımdır. Dövlət başçısı bir daha Mehdiyevə dərs verməli oldu. Amma təkcə ona deyil, hakimiyyətdəki mövqe və imkanlarına arxayın olanların hər birinə dərs olmalıdır.

Nikol Paşinyan öz işini görüb və vəzifəsini yerinə yetirib. Onun artıq başqa bir işi qalmayıb.
Axar.az xəbər verir ki, bu sözləri Çiçəklənən Ermənistan Partiyasının başçısı və onun parlament fraksiyasının rəhbəri Edmon Marukyan deyib.
“Paşinyan missiyasını başa çatdıraraq vəzifəsini yerinə yetirdi, biz də ona artıq Ermənistanın tarixinə adını yazdırdığını dedik. Missiya nədən ibarət idi? Əvvəlki rejimi devirmək. Bundan sonra onun başqa bir işi yoxdur. O, dövlət idarəçiliyi üzrə bir mütəxəssis deyil və iqtisadiyyatı ayağa qaldıracağını gözləmək lazım deyil. Ondan Ermənistanın beynəlxalq münasibətlərdəki problemlərini həll edəcəyini də gözləmək düzgün deyil”.

Turan Ordusu oktyabrın 29-da yaradılacaq.
Bunu türkiyəli strateq Kaan Sarıaydın qatıldığı verilişdə deyib.
“Türkiyə türk ölkələri ilə birgə ordu yaradacaq. Bu artıq xəyal deyil. Bu layihə üzərində çox çalışdıq. Yəni bunlar bir-iki günlük iş deyil. Artıq elan etməyin vaxtı çatıb. Oktyabrın 29-da Turan Ordusu qurulacaq. Türk Birliyinin elan edilməsi artıq an məsələsidir”, - strateq bildirib.

Keçmiş nəqliyyat naziri Ziya Məmmədov AMEA prezidenti Ramiz Mehdiyevin karantin qaydalarını pozaraq nəvəsinə toy etməsindən və buna görə onun kürəkəni, eks-deputat İlham Əliyevin məhkəmə tərəfindən cəzalandırılmasından danışıb.
Yeniavaz.com xəbər verir ki, Ziya Məmmədov demokrat.az-a açıqlamasında bildirib ki, qanun hər bir vətəndaş üçün eynidir: "O insanlar məhkəmənin qərarı ilə cəzalandırılıblar. Ona görə də mən bu məsələyə əlavə şərh vermək istəməzdim. Şübhəsiz ki, hamı qayda-qanunlara əməl etməlidir. Mən hər zaman qanunların tələblərini dəstəkləyirəm. Qayda-qanun hamı üçün eynidir. Vəzifəsindən və sosial vəziyyətindən asılı olmayaraq, hamı qanunların tələblərinə əməl etməlidir".
Ziya Məmmədov sözügedən toy mərasimində iştirak etmədiyini söyləyib: "O toyda mənim iştirakımla bağlı yayılan xəbərlər cəfəngiyyatdır. Mən isə cəfəngiyyat adamı deyiləm. Mən etdiyim işi heç vaxt gizlətmirəm, deyirəm ki, olub".

Видео GÜNÜN VACİB ƏSAS XƏBƏRLƏRİ.! 23.08.2020 SON DƏQİQƏ XƏBƏRLƏR.! AKTUAL XƏBƏRLƏR.! канала REAL XƏBƏR