Бейіт басын бүлдіріп, ну орманды шауып жатқан әкімге халық қарсы шықты

Жамбыл облысында жаңадан сайланған ауыл әкімі жасыл желекті жайпап жатыр деген жұрт көмек сұрайды. Тірлікті емес ауылдағы ағаш атаулыны тып-типыл етті дейді шулаған халық. Ауыл жұрты вагон-вагонға жүк болар бүтін бөренелер бизнес үшін балталанды ма деп күдіктенеді. Басқа емес бейіт басын бүлдіріп, ну орманды қолдан қу дала қылғандарына қапалы. Әріптесім Нұрадин Рақай бұқараның базынасын біліп келді.
Ескертуді осылай естіген ел, ертесі өкпесін айтып өре түрегелді. Өйткені көз алдындағы жасыл-желекті балта ұстағандар жау шапқандай жайратып салған. Құлаған терек қорымды қиратып, түбінен кесілген томарда осындай өлген адамның белгісі жайрап жатыр.
АНДРЕЙ СОСЕДОВ, Степной ауылының тұрғыны:
— Бұл біреудің мүддесі. Мүмкін материалдық. Жайдан-жай түбінен кесіп тастаған жоқ. Сау-ағаштарды құрылыс материалы үшін кесу әбден мүмкін. Неге онда заңды санитарлық нормаға сай 4 метрден, қурағандарын ғана кеспейді. Енді бәрі солады. Қорым қураған шөптен өртке ұрынады. Не керегі бар бүтін тұрған нәрсені бүлдіріп.
Қараша қарағаштың қурағаны емес қайта жуан құлаштығы қызықтырды деп санайды. Құрылыс материалы үшін қолдан құжатпен қурады қылып, түгел тып-типыл еткен деп налиды. Степной ауылдық округіне жаңадан сайланған әкім бүтінді бүлдіруден істі бастамай, былтыр берілуі тиіс ауыз судың, жеңіл көлік жүре алмайтын оңқы жолдың, жұлым-жұлым жалғанған жарықтың жырын шешсе деп тілейді.
ЛЮДМИЛА ВАСИЛЕВА, Степной ауылының тұрғыны:
— Біз әкімге бұл ағаштардың неге кедергі келтіргенін білгіміз келеді. Кедергі келтірді, қауіп төндірді деген жарықтың желісі қайда, газ трубасы қайда. Сап-сау елудей ағашты кесіп тастады.
ҚАЙРАТ ТІЛЕУБАЕВ, Степной ауылының тұрғыны:
— Мінекей қазір ғана келді. Анау-мынау айтып жатыр. Негізі келіп жиналыс жасау керек еді бізге. Халықпен сөйлесу керек еді. Сонша халық жиналып тұрыпты.
Аядай ауыл айқайы басылмайтын ауылға айналған. Алайда әкім дау тудырған мәселе бос әурешілік дейді. Кесілген ағаштың құжаты қолда, кешікккен ауыз судың ісі сотта, салынбаған жолдың сметасы ойда дейді. Бүгін сұрауын сұрап барған елге күнделікті жауабын қайталады.
АБАЙ КЕНЖЕБАЕВ, Степной ауылдық округінің әкімі:
— Бұл тақырыпты жүз рет көтерсеңіз де болады. Арыз жаздыңыздар. Мен жауап бердім. Алдады десеңіздер, ол өздеріңіздің шаруаларыңыз. Мен бәрі заңды екенін айтамын. Ұнамай ма, қайта арызданыңыздар. Мен жауап берем.
Әкімнің бітер істің көзін таппай, сылтау сөзін табу өкпемізді өршітті дейді жұрт. Алайда халықтың айқайы жуық арада басылмайтын сыңайлы. Өйткені жуырда ғана сайланған су жаңа әкім, төрт жылда өз айтқанын істеуге бел буған.
.
.
.
.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Бейіт басын бүлдіріп, ну орманды шауып жатқан әкімге халық қарсы шықты канала Информбюро 31