New Garhwali Ghazal Himgiri hauran Bajani Che||हिमगिरी हौरन बजाणि छे|| Ghazal Writer Payash Pokhara

New Garhwali Ghazal Himgiri hauran Bajani Che||हिमगिरी हौरन बजाणि छे|| Ghazal Writer Payash Pokhara
Lyrics:
समलौण्या खुद बिसराणि छे कि तुम याद ऐ ग्यवा ।
बेमान भटुलि फांस खाणि छे कि तुम याद ऐ ग्यवा ।

आज इसकोला की एक दगड़्या अपणि किताब मा,
झणि कैकि चिठ्ठि लुकाणि छे कि तुम याद ऐ ग्यवा ।

सकिना ग्वीराल प्योंलि बुरांस कुतगलि लगैकि,
सबि अपणि डाल्यूं हैंसाणि छे कि तुम याद ऐ ग्यवा ।

दगड़्यौं का दगड़म 'पयाश' का गीत अर गजल,
भलि भौण ढौल मा बिंगाणि छे कि तुम याद ऐ ग्यवा ।

हैंडिल घुमैकि अर रेस लगैकि तेरा मुलक देस जनै,
दूर हिमगिरी हौरन बजाणि छे कि तुम याद ऐ ग्यवा ।

©® पयाश पोखड़ा 28122024.

Видео New Garhwali Ghazal Himgiri hauran Bajani Che||हिमगिरी हौरन बजाणि छे|| Ghazal Writer Payash Pokhara канала FyoliBurans