Ұлытаудағы киелі жерлерді зерттеу тарихи құпияларды ашуға көмектеседі

Елбасы «Болашаққа бағдар: рухани жаңғыру» мақаласында «Қазақстанның киелі жерлерінің географиясы» жобасын жүзеге асыруды жүктеген болатын. Онда қасиетті орындарды өзара сабақтастыра отырып, ұлт жадында біртұтас кешен ретінде орнықтыруды меңзейді.

Солтүстік географиялық белдеуде орналасқан және қазақ үшін қастерлі орындардың бірі – Ұлытау жері. Қазір мұнда зиялы қауым, тарихшылар, археологтар, атқарушы билік бірлесіп, мақалада айтылған маңызды жұмыстарды іске асыруға бел шешіп кірісті.

Археологтардың айтуынша, халқымыздың тарихи астанасы саналатын Ұлытау жерінде 6 мыңға жуық ескерткіш бар екен. Өкінішке орай, қазір соның 20 пайызы ғана зерттеліп, мемлекет қорғауына алынған. Қалғаны сыр бүгіп жатыр. Шыңғыс ханның үлкен ұлы Жошы, Домбауыл, Алашахан кесенелері және қазақтың бірнеше ханы билік жүргізген «Хан ордасы» осы өлкеде орналасқан. Тоқтамыс пен Едіге батырдың да жатқан жері – осы қарт Ұлытау. Енді бұл киелі орындарды Елбасының тапсырмасымен географиялық белдеуге енгізу үшін тарихшылар тынбай еңбектеніп жатыр.

Видео Ұлытаудағы киелі жерлерді зерттеу тарихи құпияларды ашуға көмектеседі канала Хабар TANYM