Ciftin erkən ayrılması

Hamiləlik zamanı orta hesabla 40 həftə boyunca qadının uşaqlığı böyüməkdə olan dölü qoruyur və daşıyır.
Döl uşaqlıq divarına bitişik cift toxumasından başlayan göbək ciyəsi vasitəsilə anasına bağlıdır. Cift və göbək ciyəsi oksigenli qanı və qida maddələrini anadan inkişaf etməkdə olan dölə, dölün mübadilə məhsullarını isə geriyə, ananın qan dövranına daşıyır.
Ciddi zərbələr və travmalar normal yerləşmiş ciftin uşaqlıq divarından erkən qopmasına səbəb ola bilər. Əgər qopma sahəsi kiçikdirsə və uşaqlıq yolu qanaxması çox deyilsə hamilə qadınlar maye köçürülməsi və yataq istirahəti ilə müalicə oluna bilər. Qqopma sahəsi böyükdürsə və ya cift tamamilə qopmuşdursa ana və döl üçün ciddi həyati təhlükə yarana bilər. Qarında ağrılar və uşaqlıq yolundan çox miqdarda qanaxmanın olması təcili doğuş və ya keysəriyyəyə göstərişdir. Hipertenziya (təzyiq yüksəkliyi), preeklampsiya (hamiləlik zəhərlənməsi), dölyanı mayenin çox olması, daha əvvəlki hamiləlikdə ciftin erkən ayrılması, şəkərli diabet, siqaret, spirtli içkilər və narkotik maddə istifadəsi, uşaqlığın quruluş anomaliyaları, çoxdöllü hamiləlik, göbək ciyəsinin qısa olması əsas risk faktorlarını təşkil edir.

Видео Ciftin erkən ayrılması канала Ankara Klinik