19 yaşa sığmayan qəhrəmanlıq dastanı – CƏBRAYIL DÖVLƏTZADƏ ÖMRÜ...

Hərbi xidmətə yola salınan bir əsgər. Qohum, qonşu, hər kəs ona vətənə layiqincə xidmət edib sağ-salamat geri qayıtmasını arzu edir. Amma bir gün 19 yaşlı Cəbrayıl Dövlətzadənin adını tarixə qızıl hərflərlə yazdıracağından, onun hekayəsinin dillər əzbəri olacağından xəbərsizdirlər.

Və başlayır hərbi xidmət...

Əslən Zəngilan rayonundan olan Cəbrayıl Dövlətzadə Sərhəd Qoşunlarında xidmət etməyə başlayır.

Zaman ötdükcə anası oğlunun geri qayıdacağı günləri sayır. Hər telefon danışığında ana-oğul arasında bu söhbət keçirdi.

Hər dəfə anasına ürək-dirək verən Cəbrayıl Məleykə Məmmədzadəyə qayıtdıqdan sonra hər şeyin yaxşı olacağını deyir:

“Gələndə hər şey yaxşı olacaq”.

Sentyabrın 27-də Ermənistan silahlı qüvvələrinin atəşkəsi pozması ilə başlanan döyüşlərə könüllü qatılır.

Gedəndə isə ailəsinə bircə söz deyir: “Könüllü gedirəm. Ölsəm belə sona qədər vuruşacağam!"

Dediyini edir də...

Döyüş yoldaşları deyir ki, Cəbrayıl düşmənlə üz-üzə gələrkən onlardan geri qayıtmağı tələb edib: “Siz qayıdın, ailəniz sizi gözləyir, mən tək döyüşəcəm!” deyib düşmənin üzərinə gedib.

10-a yaxın erməni əsgər və zabitinin qarşısına təkbaşına gedən 19 yaşlı qəhrəmanımız onlarla əlbəyaxa döyüşə girib. Ermənilərin bir generalını və polkovnikini boğaraq öldürür. Özü isə şəhid olur.

Atası Dövlət Dövlətzadə deyir ki, övladının çətin anda olduğunu hiss edib: “Ona ard-arda dəfələrlə zəng elədim, amma açmadı. Çox nigaran idim. Hiss edirdim ki, başına nəsə gəlib. Axşama doğru zəng eləyib dedilər ki, Cəbrayıl şəhid olub”.

19 yaşlı qəhrəmanın cənazəsini təkcə yaxınları, qohumları, valideynləri deyil, bütün Azərbaycan xalqı qarşılayır.

Çünki Cəbrayılın düşmənlə döyüşdə göstərdiyi qəhrəmanlıq, şücaət artıq dillər əzbəri idi. Hamı Cəbrayıl Dövlətzadənin 19 yaşına sığmayacaq cəsarətinə, qəhrəmanlığına heyran qalmışdı.

19 yaşlı qəhrəmanımız qisasını aldığı general Polad Həşimovun yanında II Fəxri Xiyabanda dəfn olunub.

Hər şəhid özündən sonra yazdığı qəhrəmanlıq dastanları ilə dillərdə gəzir, sevilir və ölümsüz olur. Azərbaycan xalqı heç vaxt öz qəhrəmanlarını unutmur, əksinə ona vəfa borcu olduğunu başa düşür və bu ölməz qəhrəmanların adlarını övladlarına verməklə əbədiləşdirirlər.

Adı əbədiləşdirilən növbəti qəhrəmanımız isə Cəbrayıl olacaq. 19 yaşlı qəhrəmanımızın göstərdiyi hünər isə onun adının qoyulacağı uşaqlar üçün böyük bir məsuliyyət yaradacaq.

İndi onunla yalnız ailəsi deyil, bütün Azərbaycan fəxr edir!

Qəhrəmanımızdan geriyə qalan isə onun göstərdiyi şücaət və indi təqdim edəcəyimiz görüntülərdir.
Rəsmi facebook səhifəmiz: https://www.facebook.com/Bel%C9%99-Bir-Hadis%C9%99-Olub-111153700729342
Композиция "Lone Harvest" принадлежит исполнителю Kevin MacLeod. Лицензия: Creative Commons Attribution (https://creativecommons.org/licenses/by/4.0/).
Оригинальная версия: http://incompetech.com/music/royalty-free/index.html?isrc=USUAN1100409.
Исполнитель: http://incompetech.com/

Видео 19 yaşa sığmayan qəhrəmanlıq dastanı – CƏBRAYIL DÖVLƏTZADƏ ÖMRÜ... канала Belə Bir Hadisə Olub