Rangsiz tushlar/"Рангсиз тушлар" фильмининг катта премьераси бўлиб ўтади

Жорий йилнинг 23 декабрь куни «Ўзбеккино» Миллий агентлиги буюртмасига биноан режиссёр Аюб Шаҳобиддинов томонидан суратга олинган "Рангсиз тушлар" бадиий фильмининг катта премьераси бўлиб ўтади.

Фильмда узоқ йиллик маҳкумликдан сўнг, озодликка чиққан аёл – Кашмиранинг жамиятга мослашишидаги қийинчиликлар ҳикоя қилинади.
Фильмда ролларни Феруза Саидова, Карим Мирҳодиев, Шоҳида Исмоилова, Бекзод Абдумуҳитов ва Асал Абдуллаевалар ижро этишган. Сценарий муаллифи Умид Ҳамдамов, постановкачи оператор Азизбек Арзиқулов, рассом Шамшод Иброҳимов, композитор Убайдулло Каримов.

Маълумот учун, “Рангсиз тушлар” фильми Италия Республикасининг Рим шаҳрида ўтказиладиган XXI "Asiatica film festival" ҳамда Бангладеш пойтахти Дакка шахрида бўлиб ўтадиган "Cinemaking film festival" каби халқаро кинофестиваллар дастуридан ўрин олган.

Видео Rangsiz tushlar/"Рангсиз тушлар" фильмининг катта премьераси бўлиб ўтади канала Islom Ali