Атырау мұнай және газ университеті. Наурыз-2017 жыл

Атырау мұнай және газ университеті Наурыз мерекесін тойлады.

Наурыз – ежелгі дәстүр бойынша жаңа жылдың басы ғана емес, көктем мерекесі, табиғаттың қайта жаңғыруы. Атырау мұнай және газ университетінің студенттік топтарында Наурыз мерекесіне арналған шаралар ұйымдастырылды. Оқу орнының «Мұнай-газ», «Индустриалды-технологиялық», «Экономика, бизнес және ақпараттық технологиялар» факультеттерінде Наурыз мерекесі тамаша дәстүрлерді жаңғыртуларымен әсерлі өтті. Студенттер ұлттық салт дәстүрден көріністер көрсетіп, әсем ән мен күмбір күйден шашу шашты. Университеттің Оқу-әдістемелік басқармасының қызметкерлері басқарма басшысы Сания Гайсинаның басшылығымен барлық құрылымдық бөлімдерге наурыз көже ұсынды. Наурыз көжеден дәм татқан әріптестер өз кезектерінде ризашылығын білдіріп, ұжымды жаңа жылмен құттықтап, игі тілектерін арнады.
22 наурыз күні дәстүрлі мерекені университет ұжымы Атыраудың үш жоғары оқу орнымен және колледждермен Атырау мемлекеттік университеті спорт алаңында бірлесе тойлады. Шара барысында қазақтың ұлттық салт-дәстүрлерінен көрініс көрсетілді, ұлттық ойындар ойналып, талантты студенттердің орындауында әсем ән мен мың бұралған биге кезек берілді. Ұлттық салт-дәстүрлерден сұрақтарға жауап алынып, ұлттық тағам түрлері ұсынылды. Ұлттық киім киген студенттер кештің сәнін аша түсті. Кеш мазмұнымен және ұйымдастырылу шеберлігімен көрермендер ықыласына бөленді. Студенттермен бірлесе өткізілген шара қатысушыларға мерекелік көңіл күй сыйлаумен қатар, рухани нәр беріп, ұлттық салт-дәстүр мен құндылықтарға деген құрметтерін арттыра түсті.

Видео Атырау мұнай және газ университеті. Наурыз-2017 жыл канала АтМГУ АУНГ