दौंड, पुणे : माझा नाद करायचा नाय, अजित पवारांचा बापटांना सज्जड दम

पुणे : पुण्याचे पालकमंत्री गिरीश बापट यांनी केलेल्या टीकेला उत्तर देताना माजी उपमुख्यमंत्री आणि राष्ट्रवादी काँग्रेसचे नेते अजित पवार यांनी बापटांना अप्रत्यक्षपणे दम भरला. मी शांत आहे, तोपर्यंत आहे, माझा नाद करायचा नाय, असा इशारा अजित पवारांनी दिला.

अजित पवारांनी पुण्यात नारळ फोडण्याशिवाय काहीच कामे केली नाहीत, अशी टीका बापटांनी केली होती. या टीकेला उत्तर देताना अजित पवारांनी हा इशारा दिला. पुणे जिल्ह्यातील दौंड तालुक्यातील वरवंड येथे राष्ट्रवादी काँग्रेसच्या हल्लाबोल आंदोलनात बोलताना अजित पवारांनी भाजपवर निशाणा साधला.

''मी बापटांना सांगतोय, मी शांत आहे तो पर्यंत शांत आहे, नाद करायचा नाय बापट... तुम्ही माझ्या बरोबर दहा वर्ष काम केलेलं आहे... आम्ही पण प्रत्येकाचा आदर करतो, पवार साहेबांची तशी शिकवण आहे, तुम्ही काय-काय वक्तव्य केली ते इथे महिला असल्याने काढू इच्छित नाही आणि ते सर्वांना माहित आहे आपला आवाका काय आपली कुवत काय, आपण करताय काय,'' असं म्हणत अजित पवारांनी बापटांचा खरपूस समाचार घेतला.

For latest breaking news, other top stories log on to: http://abpmajha.abplive.in/ & https://www.youtube.com/abpmajhalive

Видео दौंड, पुणे : माझा नाद करायचा नाय, अजित पवारांचा बापटांना सज्जड दम канала ABP MAJHA