Қазақ жігітінің айтары бар

Өлең авторы: Д.Жігітбек

Сабыр менен маxаббатты егіз етіп жаратқан.
Бір-бірінсіз ұша алмайтын ұқсайды екі қанатқа.
Дақ түсірмей "адалдық" деп аталған ақ параққа,
Сабыр керек шын сезімің сыналатын сағатта.
Сабыр керек күндей болып күлімдеуге әр апта,
Сабыр керек көңіл түсіп, қар жауғанда қабаққа.
Сабыр керек тұзды өкіртіп салып қойса тамаққа,
Сабыр керек көп күттіріп, жиналғанда қонаққа.
Сабыр керек ұрыспауға.
Сүйіктіңді жылатпа!
Сабыр керек сағындырып кеткен кезде жыраққа.
Сабыр керек қол ұстасып жету үшін мұратқа.
Сабыр керек мойымауға кездескен сан сынаққа.
Сабыр керек сүю үшін бір адамды мәңгілік,
Сүйсең ғана сабыр сақтай аласың ғой бірақ та!

Видео Қазақ жігітінің айтары бар канала Жасұлан Жұмағали