Türk əsgəri Laçında, düşmənə gözdağı kimi mesaj! Polkovnik Ruslan İmanquliyevlə "Canlı debat"

Azərbaycan ATƏT-in Minsk Qrupu ilə bağlı nə qərar verəcək-Bakı üçün seçim anı yaxınlaşır...
ATƏT-in Minsk Qrupunun rusiyalı həmsədri İqor Xovayev Ermənistanın xarici işlər naziri Ararat Mirzoyanla görüşüb. Görüş İ.Xovayevin Ermənistana səfəri çərçivəsində gerçəkləşdirilib. Qeyd edək ki, yeni təyin olunan rusiyalı həmsədr İ.Xovayevi 30 avqustda həmçinin Azərbaycanın xarici işlər naziri Ceyhun Bayramov qəbul etmişdi.
ABŞ dövlət katibi Entoni Blinken ötən həftəsonu Ermənistanın yeni xarici işlər naziri Ararat Mirzoyana göndərdiyi təbrik məktubunda yenə “ATƏT-in Minsk Qrupu çərçivəsində danışıqların bərpasından”, “Dağlıq Qarabağ münaqişəsinin hərtərəfli və uzunmüddətli siyasi həllindən” dəm vurub, hətta nədənsə, danışıqların başlaması kimi ifadə də işlədib. Azərbaycanın bu məsələdə mövqeyində hələ ki, ciddi dəyişiklik yoxdur. Rəsmi Bakı hesab edir ki, Qarabağ münaqişəsi həll olunub və regionda bundan sonrakı inkişafla bağlı hansısa təkliflər gözləyə bilərlər. Bəzi müşahidəçilər qeyd edirlər ki, Rusiyanın yeni həmsədrinin Bakıda yalnız xarici işlər naziri Ceyhun Bayramovla görüşü oldu. Azərbaycan Prezidenti isə onunla görüşə lüzum görmədi. Bu isə həmsədr ölkələrə danışıqlar adı altında yenidən gorbagor olmuş “status” məsələsini gündəmə gətirməyə icazə verməyəcək mesajı kimi qəbul edilməlidir. Amma göründüyü kimi, son günlər həmsədr ölkə kimi Rusiyanın bəzi dövlət strukturları, o cümlədən Rusiya Müdafi Nazirliyi Qarabağ məsələsində aşkar ermənipərəst mövqe sərgiləyir, “Dağlıq Qarabağ Respublikası” ifadələrini işlədirlər. Bu isə təsadüfi ola bilməz. Aydındır ki, Rusiya da digər həmsədr ölkələri masaya oturtmağa çalışır, bununla da üzərində olan məsuliyyəti bölüşməyə çalışır. Bəs, rəsmi Bakı hansı kontr-addımları planlaşdırır? ATƏT-in Minsk Qrupu nəhayətdə, masaya oturarsa, Bakı ən əsas, status məsələsinin gündəmə gətirilməməsini şərt kimi qoya bilərmi? Türkiyənin danışıqlara cəlb edilməsi alınmasa, Azərbaycan Minsk Qrupundan çıxa bilərmi? Bu qrupa Azərbaycandan, Ermənistandan, həmsədr ölkələrdən savayı, Türkiyə, Belarus, İtaliya, Almaniya, İsveç, Finlandiya kimi dövlətlər də daxildir. Onlardan birinin prosesdən rəsmi şəkildə çıxması ATƏT-in Minsk Qrupunun dağılması və öz mandatını itirməsi deməkdir.

Türk əsgərləri Laçında-düşmənə gözdağı kimi mesaj...
Azərbaycan Respublikası ilə Türkiyə Respublikası arasında bağlanmış hərbi sahədə əməkdaşlıq haqqında sazişə əsasən Laçın rayonunda birgə döyüş atışlı taktiki təlim başlayıb.Bu barədə Musavat.com-a Müdafiə Nazirliyindən məlumat verilib.
Azərbaycan və Türkiyə hərbçilərinin iştirakı ilə keçirilən təlimdə əsas məqsəd döyüş əməliyyatlarının aparılması zamanı qarşılıqlı fəaliyyətin və döyüş uzlaşmasının təkmilləşdirilməsinə, o cümlədən komandirlərin hərbi qərar qəbuletmə və bölmələri idarəetmə bacarıqlarının inkişaf etdirilməsinə yönəldilib.
Təlimdə müasir döyüş texnikası və digər hərbi vasitələrin çətin relyef şəraitində istifadə etmə vərdişlərinin artırılmasına xüsusi diqqət yetirilib. Birgə təlimlərin Laçında keçirilməsi əlbəttə ki, həm də ciddi bir mesajdır. Bu, həm bəzi hallarda özbaşına və Bakını narazı salan addımlar atan sülhməramlılara da mesaj hesab edilə bilər. İkincisi, hələ də Laçın ətrafında bəzi kəndlərdə qeyri-qanuni yerləşmiş ermənilərə torpağın əsl sahibinin kim olduğunu göstərir.
Yaxın günlərdə Azərbaycan, Pakistan və Türkiyənin xüsusi təyinatlı qüvvələrinin "Üç qardaş – 2021" adlı birgə təlimləri keçiriləcək.
Dünən Azərbaycanın müdafiə naziri Zakir Həsənov təlimlərin keçiriləcəyi yerə baş çəkib, onlara hazırlığın gedişilə tanış olub, ölkənin hərbi idarəsinin mətbuat xidməti məlumat yayıb.

Видео Türk əsgəri Laçında, düşmənə gözdağı kimi mesaj! Polkovnik Ruslan İmanquliyevlə "Canlı debat" канала Tv Musavat