Yekun xəbərlər 05.05.2021 (Musa Media)

"Hazırkı qaydalara görə, kənd və qəsəbə tibb məntəqələrdə çalışan həkimlərə 200 manat məbləğində sabit həvəsləndirici əlavələr nəzərdə tutulub”.
Oxu24.com xəbər verir ki, bunu İcbari Tibbi Sığorta üzrə Dövlət Agentliyinin İnvestisiya şöbəsinin müdiri Yadigar Mahmudzadə "İcbari tibbi sığorta sistemində tibb işçilərinin əməkhaqlarının hesablanması qaydası” mövzusunda sualları cavablandırarkən deyib.
O bildirib ki, orta, kiçik tibb heyəti üçün hazırda tədbirlər görülür:
"Yəqin ki, yaxın vaxtlarda onlar üçün də həvəsləndirici əlavələr veriləcək”.
Y.Mahmudzadənin sözlərinə görə, bu əlavələr vəzifə maaşları və staja görə əlavələr istisna olmaqla, nəzərdə tutulub.
Ermənistanda seçkidən sonra Qarabağda idarəçiliyin Azərbaycanın nəzarətinə keçməsi prosesi başlanacaq.
Publika.az xəbər verir ki, bu barədə erməni politoloq Robert Marqaryan deyib.
Onun sözlərinə görə, Nikol Paşinyan seçkilərə görə bu prosesin dayandırılmasını xahiş edir.
“Seçkidən sonra isə proses başlanacaq, Azərbaycan rəsmilərinin açıqlamaları da bunu göstərir”, - o deyib.
Mayın 16-sı Bakı-Xırdalan-Sumqayıt marşrutu ilə hərəkət edən elektrik qatarları ilə sərnişin daşımaları bərpa edilir.
Yenisabah.az xəbər verir ki, bu barədə məlumatı "Azərbaycan Dəmir Yolları" QSC yayıb.
Məlumatda əsasən, Xırdalan dairəsində yeni dəmir yolu körpüsünün inşası ilə yanaşı xəttin kontakt şəbəkəsi Baş Keşlə stansiyasında əsaslı təmir olunub: "Aparılan yenidənqurma işləri sərnişin qatarlarının daha təhlükəsiz hərəkətinə imkan yaradacaq".
“Səlahiyyətlilər guya Ermənistanın Sünik bölgəsinin heç bir ərazisini təhvil vermədikləri barədə xalqa yalan danışmaqdan çəkinmirlər”.
Yenisabah.az xəbər verir ki, bu barədə politoloq Edqar Elbakyan öz “Facebook” səhifəsində yazıb.
O iddia edib ki, həmin ərazilər hazırda Azərbaycanın nəzarətindədir. “Keçmiş SSRİ Baş Qərargahının xəritələrindən və ona əsaslanan “Google” xəritələrindən göründüyü kimi, Ermənistanın Sünik bölgəsinin Kaşatağ rayonu ilə kəsişmədə yerləşən Qara göl, demək olar ki, tamamilə Sünik ərazisindədir. Buna görə də, “GPS” prinsipinə uyğun olaraq həyata keçirilən qanunsuz “demarkasiya” nəticəsində düşmən tərəfindən işğal edilməməli idi. Azərbaycanlıların aprelin 30-da yayımladığı videodan aydın olur ki, onlar Sünik bölgəsinə nüfuz edərək əraziləri tamamilə "işğal" ediblər. Azərbaycan maksimum genişləndirmə siyasətini rəhbər tutur və Ermənistanın kapitulyasiya edən hakimiyyət orqanları “hər şeydən əl çək və baş ağrısından qurtar” qorxaq prinsipini rəhbər tuturlar”.
Edqar Elbakyan sonda yazıb: “Kütləvi informasiya vasitələrini düşmənin videoda göstərilən yerdə necə göründüyü barədə müvafiq qurumlara yazılı sorğu göndərməyə çağırıram”.
“Bir sıra hallarda qazilərə əlillik dərəcələri faktiki durumlarına uyğun təyin edilmir”.
Bunu “Yeni Sabah”a açıqlamasında tanınmış fitnes məşqçisi Kamil Zeynallı deyib. Davamlı olaraq qazilərlə bağlı sosial şəbəkələrdə paylaşımlar edən, onların problemlərini ictimailəşdirən Zeynallının sözlərinə görə, Silahlı Qüvvələrin Baş Klinik Hospitalında qazilərə əlillik dərəcəsinin yazılması üçün onlardan rüşvət tələb olunur: 
Azərbaycanda saxlanılan erməni diversantlarla bağlı təzyiqlər getdikcə artır. Hətta bəzi qərb dövlətlərində diversantların qaytarılmayacağı təqdirdə sanksiyaların tətbiq ediləcəyi ilə bağlı fikirlər səsləndirilir. Ötən gün Azərbaycan tərəfindən üç diversatın Ermənistana göndərilməsini bu təzyiqlərlə izah edənlər də var.
Maraqlıdır, reallıq nədən ibarətdir? Azərbaycan erməni diversantları güzəştsiz öz ölkələrinə təhvil verə bilərmi?
Mövzu barədə Yenisabah.az-a danışan sabiq Xarici işlər naziri Tofiq Zülfüqarov deyilənlərin əksinə olaraq diversantlarla bağlı Azərbaycana böyük təzyiqlərin olduğunu düşünmədiyini vurğulayıb:
“Sadəcə ermənilər vəziyyəti bu şəkildə göstərmək istəyir. Doğrudur, bəzi çağırışlar və mövzunu dərindən bilməyən təşkilatların məsələ ilə bağlı bəyanatları var, amma bunlar fövqəladə bir təzyiq deyil. Vəziyyəti yaxşı analiz edənlər başa düşür ki, mövzu birbaşa Ermənistanın işğalçı ordusunun qalıqlarının Azərbaycandan çıxarılması prosesi ilə bağlıdır. Mütəxəssislər diversantların müharibədən sonra Azərbaycan ərazisinə gizli şəkildə daxil olduğunu anlayır”.
Diplomat qeyd edib ki, diversantların gəlişi Ermənistanın öz işğalçı siyasətindən əl çəkmədiyinin sübutudur:
“Hətta darmadağın olduqdan sonra da ərazimizə hərbi qulluqçularını göndərir. Təbii ki, Azərbaycan bu yanaşmanı qəbul etmir. Üç diversantın qaytarılması məsələsinə gəldikdə isə deyə bilərəm ki, onlarla bağlı istintaq aparılıb, əməlləri barədə məlumat toplanıb və sərhədi keçəndən sonra hər hansı ağır cinayətdə iştirak etmədikləri üçün onları qaytarmışıq. Düşünmürəm ki, proses davam etsin”.
Politoloq diqqətə çatdırıb ki, hazırda əsas

Видео Yekun xəbərlər 05.05.2021 (Musa Media) канала Musa Media