Ауылдың алты ауызы

07 желтоқсан Көктал ауылдық кітапханасында.
Қазақ халқының ауыздан- ауызға ауызша тарап, біздің дәуірімізге дейін жеткен шығармалар, әндер, жыр-дастандар бабаларымыздан мұра болып қалған. Ауыз әдебиеті ғылымда фольклор деп аталады. Фольклор ағылшын сөзі. Дәлме- дәл аударғанда «халық шығармасы», «халықтың ауызша шығарған көркем сөздері» деген мағынаны береді. «Сазгер» клубының жыр сағатын «Ауылдың алты ауызы» тақырыбымен ел арасында кеңінен тараған дәстүрлі халық әндерін дәріптеу мақсатында ұйымдастырылып, жасөспірімдерге үлгі насихат ретінде ұсынылды.
Мақсаты: дәстүрлі халық әндерін дәріптеу, ауылдың алты ауызы жастарды өнерлі болуға, олардың қабілетін ұштауға, ауыл мәдениетін дамуына үлес қосу.
Ауылдың алты ауызы — дәстүрлі қазақ қоғамында үйге келген қонақты қолқалап, “қонақкәде” айтқызудан бұрын ауыл адамдарының, үй иелерінің өздері айтып беретін өлең-жыры. Қонақ тамақ ішіп, тынығып болған соң ауыл адамдары ауылдың алты ауызы айтып, қонақтың көңілін көтеруге тырысқан да, кезекті қонаққа беретін болған. Қонақ не өлең айтып, домбыра тартуы немесе ертек айтып, “қонақкәдесін” жасауы шарт болған. Кәде орындалған соң ән айту үлесі өнерпаздарға тиіп, отырыс ойын-сауыққа ұласып отырған. Қазіргі кезде негізінен ауылдық жерлерде сақталған.
Ауылдың алты ауызы әдетте сол өңірге кең таралған қара өлең, жыр, ән-күйлерінен тұрады. Ауылдың алты ауызы жастарды өнерлі болуға, олардың қабілетін ұштауға ерекше әсер еткен. Сонымен бірге, ауылдың алты ауызы ауыл мәдениетінің өзіндік сыны іспеттес болды.

Видео Ауылдың алты ауызы канала Коктал ауылдық кітапханасы