MASALLIDA YANĞINDA BABA VƏ NƏVƏSİ YANDI.

Masallıda iki mərətəbəli yaşayış evində yanğın hadisəsi baş verib. Yanğın zamanı baba və nəvəsi evin içərisində yanaraq ölüb.

Yanğın hadisəsi rayonun Güllütəpə kəndində 2-si azyaşlı olmaqla 7 nəfərin yaşadığı evdə baş verib. Nəticədə ümumi sahəsi 300 m², arakəsmə divarları taxta və çiy kərpicdən olan ikimərtəbəli beş otaqlı evin 2-ci mərtəbəsində 2 otağın, dəhlizin yanar konstruksiyaları 105 m² sahədə və dam örtüyü yanıb. Yanğın zamanı 59 yaşlı Allahverən Nəzərov və onun 4 yaşlı nəvəsi Rövşən Nəzərov yanaraq ölüb. Onların meyitləri aidiyyəti üzrə təhvil verilib.

Sinxron:İsmayıl Nəzərov ölənin kişinin qardaşı.

Heç ağlımıza da gəlmir ki, nədən ola bilər. Ev də təzə təmir olunmuş evdir, orada qısaqapanma deyim, nə deyim, mən özüm də şokdayam bu dəqiqə. Heç məlumatımız yoxdur. Qardaşım özü də şokda olub, bu səs nədir, özü də anlamayıb, ancaq onu cəhd edib ki, uşağı qurtarsın, elə özü də yanıb kül olub.
Sinxron:Elşən Nəzərov ölən uşağın atası.

Özüm hadisə vaxtı evdə deyildim Lənkərana xəstə aparmışdım onda gəldim, iş-işdən keçib. İndi bu dəqiqə heç nəyim yoxdur bir balam vardı, bir atam vardı onlar da həyatda yoxdur, mənim üçün də həyat yoxdur. Yuxarıda atam yatmışdı uşaqlar aşağıda idi. Oğlan qaçıb yuxarı babanı oyatsın, çıxıb üstə babanı oyadıb. Gəlib girib bu otağa ata da çıxıb çölə, düşüb aşağı görüb uşaq yoxdur. O da yuxarı çıxandan sona daha bilmirəm nə olub. Mənə belə dedilər.
Fövqəlada Hallar Nazirliyinin Dövlət Yanğından Mühafizə Xidmətinin yanğından mühafizə bölmələri tərəfindən yanğın söndürülüb. Evin qalan hissəsi yanğından mühafizə olunub. Yanğının hansı səbəbdən baş verməsi ilə bağlı araşdırma aparılır.

Видео MASALLIDA YANĞINDA BABA VƏ NƏVƏSİ YANDI. канала LENKERAN TV