ҲАЛОКАТИ ЯК ЗОДАИ ВОРУХ ДАР ҶАНГҲОИ УКРАИНА

Бино ба иттилои дарёфтӣ, дар ҷангҳои Украина боз як ҷавони зодаи Тоҷикистон ба ҳалокат расидааст. То имрӯз дар бораи марги алакай чор тоҷик дар Украина хабарҳо ба даст расидаанд.
Бино ба иттилои манобеи пойгоҳи хабарии “Бомдод” дар ҷамъияти муҳоҷирони зодаи Исфара дар Русия, ба волидони Р.П., зодаи ҷамоати Ворух, хабар додаанд, ки фарзандашон “ҳангоми иҷрои қарзи ҳарбӣ” ҷон бохтааст. Ромиш Пӯлодов, ки шаҳрвандии Русияро дошт, 8 моҳ пеш ба хидмати ҳарбӣ ба артиши ин кишвар даъват шуда, дар як дивизияи танкӣ хидмат мекард. Қисми ҳарбии онҳоро рӯзи 24 феврал, билофосила баъди оғози “амалиёти махсуси ҳарбӣ” ба Украина партофта буданд.
Чӣ гуна ва дар кадом қисмати Украина кушта шудани ин ҷавони тоҷик маълум нест. Номи ӯ ба идораи “Бомдод” маълум аст, вале бо хоҳиши наздиконаш номашро аз мақола гирифтем.

Видео ҲАЛОКАТИ ЯК ЗОДАИ ВОРУХ ДАР ҶАНГҲОИ УКРАИНА канала Bomdod TV