ՎԵՐՋԱՊԵՍ ԽԵԼՔԻ ԵԿԱՆ․ Առանց Ռուսաստանի Հայաստանը կզոհվի․ Ուզում են Հայաստանը սարքեն թուրքական վիլայեթ

Պաշտպանության նախարար Վաղարշակ Հարությունյանը հայտարարել է, որ Հայաստանը հետաքրքրված է ռուսական 102-րդ ռազմաբազայի ընդլայնման հարցում, առավել հավանական է՝ երկրի արևելյան հատվածում։ Դուք՝ որպես բազայի հիմնադիր՝ ի՞նչ դիտարկումներ ունեք։
Կասեմ հետևյալը՝ վերջապես հասունացան։ Ես այդ բազան հիմնադրել եմ Ռուսաստանի պաշտպանության նախարար Գրաչովի հետ և արել եմ դա այն ժամանակվա նախագահ Լևոն Տեր-Պետրոսյանի թույլտվությամբ։ Ու այս առումով պետք է արժանին մատուցվի նաև Տեր-Պետրոսյանին։ Այս տարածաշրջանում մեր միակ դաշնակիցը Ռուսաստանն է, ու իմ խիղճը հանգիստ է, որ ես այդ բազան հիմնադրեցի իմ հայրենիքի պաշտպանության համար։ Հայաստանը գտնվում է ագրեսիվ պետությունների՝ Թուրքիայի ու Ադրբեջանի հարևանությամբ, ու այդ բազան խիստ անհրաժեշտ է Հայաստանի համար։ Ես կարծում եմ, որ Հայաստանի պաշտպանության նախարարությունը իր գործողությունները պետք է կոորդինացնի Ռուսաստանի պաշտպանության նախարարության հետ։ Պետք է շատ սերտ համագործակցություն լինի, որպեսզի ապահովվի Հայաստանի անվտանգությունը։ Ընդ որում, ոչ միայն Հայաստանի, այլև Ռուսաստանի։ Հիմա եթե այդ բազան ընդլայնվում է, շատ ճիշտ որոշում է, ես ամբողջությամբ աջակցում եմ այդ որոշմանը։ Ես իմ բոլոր հարցազրույցներում ասում եմ՝ առանց Ռուսաստանի Հայաստանը կզոհվի, որովհետև Հայաստանը ամբողջությամբ շրջապատված է ահաբեկչական, ցեղասպան պետություններով։ Բացառություն է իհարկե Վրաստանը, բայց Վրաստանն էլ նրանց հետ միասին պատերազմի ընթացքում տրանսպորտային բլոկադա արեց։ Ուստի Հայաստանը առանց դաշնակցի ապրել չի կարող, իսկ ամենաիրական դաշնակիցը Ռուսաստանն է։
Նյութի աղբյուր՝ 1in.am

#lurer #banak #norattergrigoryanc #razmabazahayastan

Видео ՎԵՐՋԱՊԵՍ ԽԵԼՔԻ ԵԿԱՆ․ Առանց Ռուսաստանի Հայաստանը կզոհվի․ Ուզում են Հայաստանը սարքեն թուրքական վիլայեթ канала Banber News