ANIELE BOŻY i OJCZE NASZ po Kaszebsku. Film nagrany : HEL promenada z Kramikami POLAND

W miono Òjca i Sëna i Dëcha Swiãtégò. Amen
Wierzã w Bòga Òjca wszëtkòmògącégò, Stwórcã nieba i zemi. I w Jezësa Christusa, Sëna Jegò jedurnégò, Pana Najégò, jaczi sã pòczął z Dëcha Swiãtégò, narodzył sã z Marije Panne, ùmãczony za Pòncczégò Piłata, ùkrziżowóny, ùmarł i béł pòchòwóny; zestąpił do piekłów, trzëcégò dnia zmartwëchwstôł; wstąpił do nieba, sedzy pò prawiznie Bòga Òjca wszëtkòmògącégò. Stądka przińdze sądzëc żëwëch i ùmarłëch. Wierzã w Dëcha Swiãtégò, swiãti Kòscół pòwszéchny, Swiãtëch przëstowanié, grzéchów òdpùszczenié, cała zmartwëchwstanié, żëwòt wieczny. Amen.

Òjcze nasz, jaczi jes w niebie, niech sã swiãcy Twòje miono, niech przińdze Twòje królestwò, niech mdze Twòja wòlô jakno w niebie tak téż na zemi. Chleba najégò, pòwszédnégò dôj nóm dzysô i òdpùscë nóm naje winë, jak i më òdpùszcziwómë naszim winowajcóm. A nie dopùscë na nas pòkùszeniô, ale nas zbawi òde złégò. Amen.

Zdrowas Mario, łasczi pełnô, Pón z Tobą. Błogòsławionô jes midzë niastama i błogòsławiony je brzôd żëwòta Twòjégò, Jezës. Swiãtô Marijo, Matkò Bòżô, mòdlë sã za nama grzésznyma terô i w gòdzënie smiercë naszi. Amen.

Chwała Òjcu i Sënowi i Dëchòwi Swiãtémù, jak bëło na pòczątkù, terô i wiedno i na wieczi wieków. Amen

Pòd Twòjã òbronã ùcékómë sã, Swiãtô Bòżô Matkò, nie gardzëże naszima prosbama w naszëch pòtrzebach, ale òd wszelejaczich złich przëtrôfków nas wiedno wëbawiôj. Panno chwalebnô i błogòsławionô. Ò Pani nasza, Zastawnico nasza, Pòstrzédniczkò nasza, Pòceszëcelkò nasza. Z Twòjim Sënã nas pòjednôj, Twòjémù Sënowi nas pòlecôj, Twòjémù Sënowi nas òddawôj.



DZÉL I – KRËJAMNOTË REDOSNÉ

(òdmôwiómë w pòniedzôłczi ë sobòtë)

Zwiastowanié Maryje Pannë
Jaczégò jes Panno z Dëcha Swiãtégò pòczãła

Nawidzenié sw. Élżbietë
Jaczégò jes Panno do Élżbietë niosła

Narodzenié Póna Jezësa
Jaczégò jes Panno w Betlejem pòrodzyła

Òfiarowanié w swiątnicë
Jaczégò jes Panno w kòscele òfiarowała

Nalezenié Póna Jezësa
Jaczégò jes Panno w kòscele nalazła



DZÉL II – KRËJAMNOTË WIDU

(òdmôwiómë we czwiôrtczi)

Chrzest Jezësa w Jordanie
Òbjawienié sã Jezësa w Kanie Galilejsczi
Bédowanié Bòżégò królestwa i wzëwanié do nawróceniô
Przemienienié sã Jezësa na górze Tabòr
Ùstanowienié Eùcharistie


DZÉL III – KRËJAMNOTË BÒLESNÉ

(òdmôwiómë we wtórczi ë piątczi)

Mòdlëtwa w Ògrójcu
Jaczi za nas krwią sã pòcył

Biczowanié Póna Jezësa
Jaczi za nas béł biczowóny

Ùkòrónowónié drżónã
Jaczi za nas béł drżónã ùkòrónowóny

Krziżëwô Droga
Jaczi za nas czãżczi krziż nosył

Smierc Jezësa na krziżu
Jaczi za nas béł ùkrziżowóny



DZÉL IV – KRËJAMNOTË CHWALEBNÉ

(òdmôwiómë we strzodë ë niedzele)

Zmartwëchwstanié Póna Jezësa
Jaczi jes Zmartwëchwstôł

Wniebòwstąpienié Póna Jezësa
Jaczi jes do nieba wstąpił

Zesłanié Dëcha Swiãtégò
Jaczi jes nóm Dëcha Swiãtégò zesłôł

Wniebòwzãcy Matczi Bòżi
Jaczi jes Cebie, ò Panno, wzął do nieba

Ùkòrónowónié Matczi Bòżi
Jaczi jes Cebie, ò Panno, w niebie ùkòronowôł
...................................................
Kaszëbskò-Pòmòrsczé Zrzeszenié http://www.kaszubi.pl/o/luzino/artykulmenu?id=704
.....................................................
Video production: DARIUSZ GASTOŁ https://galakticstars.pl/

Видео ANIELE BOŻY i OJCZE NASZ po Kaszebsku. Film nagrany : HEL promenada z Kramikami POLAND канала TOWARZYSTWO PRZYJACIÓŁ z SAGITTARIUSa A