მელაშვილის სკანდალური განცხადება და შეფასებები / პარლამენტში კიდევ ორი ოპოზიციონერი შედის #LIVE

• ბრალდებული კარტოგრაფის სკანდალური განცხადება და პოლიტიკური შეფასებები - ივერი მელაშვილი აცხადებს, რომ დავით გარეჯი საქართველოს არ ეკუთვნის, რასაც ოპოზიციის ნაწილიც ეთანხმება, პროკურატურა კი კარტოგრაფის განცხადებას ბრალის აღიარებად აფასებს; საქმის მთავარი ფიგურანტი ბრალდების მთავარ მოტივს დღესაც იმ არგუმენტით ხსნის, რომ 200-ათასიანი მასშტაბის რუკა ხარვეზიანი იყო, რასაც ექსპერტების დასკვნა უარყოფს; რას იკვლევდა ყოფილი კომისიის შემადგენლობა, რომლის წევრისთვის დავით გარეჯის კომპლექსი უპირობოდ აზერბაიჯანის საკუთრებაა და რა პოლიტიკური თუ სამართლებრივი საფუძველი აქვს კარტოგრაფისა და ოპოზიციის ლიდერთა განცხადებებს;
• ინდივიდუალური მოლაპარაკების ორი რაუნდი და შეთანხმება პარტია „მოქალაქეებთან“ - ალეკო ელისაშვილი და ლევან იოსელიანი პარლამენტში შედიან, რასაც ოპოზიცია მწვავედ აკრიტიკებს; საარჩევნო ბარიერის დაწევას, რაც ხელისუფლებასთან გაფორმებული დოკუმენტის ნაწილია, 113 ხმა სჭირდება, ოპოზიციური ერთობა კი პარლამენტში შესვლას გამორიცხავს;
• საქართველო შეკვეთილ დოზებს ელოდება, ქვეყნის მთავარი ეპიდემიოლოგი კი აცხადებს, რომ ვაქცინა ჯერჯერობით, ძლიერი სახელმწიფოების, დიდი შვიდეულის ხელშია და ის პოლიტიკურ იარაღად იქცა; ბოლო სამი თვის განმავლობაში პირველად, დღეს ქვეყანაში დადებითობის ყველაზე ნაკლები მაჩვენებლი დაფიქსირდა; შეზღუდვების დაგეგმილზე ადრე მოხსნის პერსპექტივა სულ უფრო რეალური ხდება;
• მსოფლიოში ვირუსის გავრცელება შენელდა, მაგრამ ახალი სახეობების გავრცელების პირობებში შეზღუდვების შემსუბუქება ამ დრომდე ვერ ხერხდება; ვაქცინის მსოფლიო ბაზარს კიდევ ორი ახალი ვაქცინა შეემატა, თუმცა მათი თანაბარი გადანაწილების საკითხი კვლავ პრობლემად რჩება; ჯანმო-ს ექსპერტთა ჯგუფი აფეთქების ეპიცენტრს, უჰანის ზღვის პროდუქტების ბაზარს და ვირუსოლოგიის ინსტიტუტს ეწვევა, საიდანაც ერთ-ერთი ჰიპოთეზის თანახმად ვირუსი გავრცელდა.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://bit.ly/2WZv1qY
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

Видео მელაშვილის სკანდალური განცხადება და შეფასებები / პარლამენტში კიდევ ორი ოპოზიციონერი შედის #LIVE канала პირველი არხი Georgian Public Broadcaster