"Mülkigeyimlilər evimin qarşısından maşına otuzdurub polisə apardılar"

Mənəm, Fatimə Mövlamlı. Bu da aldığım yeni, 100 manatlıq cərimənin protokoludur. Son günlər hökumətin müstəqil jurnalistləri evdə oturmağa məcbur etdikləri və buna haqlı olaraq şəxsən itaətsizlik göstərdiyim üçün yaşadığım məhəllənin qarşısında mülki geyimli polislər post qurub, növbə çəkir. Dünən ilk dəfə 200 manat cərimə yazıldı mənə. Bu gün də evdən çıxdım çəkib sizə göstərim ki, ərazidə digər vətəndaşlar sərbəst şəkildə hərəkət edir, polis isə onların heç birinə bir söz demirdi. Əlimdə telefonla çəkiliş apararaq onlardan bir az kənarda dayanıb işimə davam edirdim. Bundan sonra onlar maşından düşdü və mənim üstümə cumdular. İnsanların gözü qarşısında məni elə zorbalıqla saxladılar ki, ayağımdakı yüngül yay ayaqqabıları da yola düşdü, Binəqədi rayon 43-cü polis bölməsinə ayaqyalın aparıldım.
Polisin 19 yaşlı reportyor bir qızı gözləmək qədər "vacib" işi olduğundan, küçədə hərəkət edən heç bir vətəndaşa yaxınlaşmadığını əks etdirən video-görüntüləri silməyimi tələb etdilər, bundan imtina etdim. Məni dişlərimi kəlbətinlə sökəcəkləri ilə hədələdilər, yenə də telefonumun kodunu açmadım. Bu zorbalar da telefonumu yaxınlıqdakı telefon ustalarından birinin yanına aparıb format ediblər. Bölmə rəisi Elşənin yanında, əməliyyatçı Pərviz telefonla kiməsə (yəqin həmin usta olub) mobil telefonumun seriya nömrəsini deyirdi. Təkcə formatlamaqla kifayətlənməyiblər. Telefonuma nə ediblərsə, internetə qoşulmur, heç bir proqram açılmır, profilimə girə bilmirəm. Təəccüblü iş deyil, quldurların peşəsi budur.
Mən haqlıyam. Jurnalistlərin peşə fəaliyyətinə mane ola bilməzlər. Mən itaət göstərməyəcəm. Bölmədə mənə "haqq" yoluna gəlib, daha yaxşı həyat yaşamağı, daha çox pul qazanmağı təklif edən, nə qədər ki, sakit oturmayacam, həmişə də belə zorakılıq görəcəyimi deyən o qoçuların hamısının üzünə tüpürüm! Sizin kimi üzünə tüpürülməklə də olsa, qazanılan vəzifəyə, pula da tüpürüm!
PS. Dünən bunu başqa profillə bir neçə dostumuzun postlarında rəy bölümünə yazmışdım ki, özüm bura girə bilməsəm də, başıma gələnlərdən xəbərdar olasınız. #AksiyaTV #Bəyən #AbunəOl

Видео "Mülkigeyimlilər evimin qarşısından maşına otuzdurub polisə apardılar" канала Aksiya TV