«Атамекен» палатасы борышкерлердің өзін банкрот жариялау туралы заңына түзутелер енгізуді ұсынды

Банкрот болған жеке тұлғалардың шет елге шығуына немесе несие рәсімдеуіне тыйым салу олардың конституциялық құқықтарын таптаумен тең. Бұл туралы бүгін «Атамекен» Ұлттық кәсіпкерлік палатасының өкілдері мәлімдеді. Сөздерінше, бұл шектеуге қарағанда онсыз да қиын жағдайда қалған азаматты жазаға тартумен пара-пар. Сондықтан олар, мемлекеттік кірістер департаменті әзірлеген заң жобасына әлі де түзетулер енгізу керек деп отыр.
Мысалы, борышкерді банкрот деп жариялауды соттың көмегінсіз жүзеге асыру керек екен. Яғни, соттан тыс. Себебі кішігірім істің өзі соттардың жүктемесін көбейтеді. Ал кепілге алынған үйді тәркілемес бұрын борышкердің отбасылық жағдайы жіті тексерілуі тиіс. Себебі қиындыққа тап болып, қарызын төлеуге қабілетсіз адамды қаңғытып жіберуге жол беруге болмайды деді сарапшылар. Ал министрлік өкілдері, қарызын өтеу үшін борышкер үйін өзі сата алатынын айтты. Яғни, кепілге қойылып, бірақ сот арқылы тәркіленген мүлікті ешкім арзан бағаға сатып жібере алмайды.
АСҚАР ҚАЛДЫБАЕВ, «Атамекен» ҚР ҰКП Төрелік орталығының атқарушы директоры:
– Бұл шектеуге қарағанда жазалауға көп ұқсайды. Біз борышкерлердің қиын жағдайға тап болғанын түсінуіміз керек. Яғни ол асыраушысынан айырылған немесе дертке шалдыққан, жұмыссыз қалғандар болуы мүмкін. Сондықтан, шет елге шығуына, кәсіппен айналысуына және несие алуына тыйым салу дұрыс емес. Ол әрі беріден соң, банктердің жұмысы ғой. Бергісі келсе, берсін.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#борышкерлер #банкрот #Атамекен

Видео «Атамекен» палатасы борышкерлердің өзін банкрот жариялау туралы заңына түзутелер енгізуді ұсынды канала Информбюро 31