Алматыдағы ұшақ апатынан қаза болған штурман Ғабит Барлықбаев жер қойнына тапсырылды

Алматыда АН-26 әскери ұшағы апатқа ұшыраған кезде мерт болған Ғабит Барлықбаевты бүгін етжақындары ақтық сапарға шығарып салды. Авиация бөлімінің штурманы тура мүшел жасында өмірден озды. 36 жастағы азаматтың артында үш баласы, жары, ата-анасы қалды. Жұбайының сөзінше, жолдасы тура бір жыл бұрын Ұлттық Қауіпсіздік қызметіне ауысыпты. Тура бір жыл өткен соң, тура 13 наурызда ұшқыш қайтыс болды.
Бірақ 13 наурыз күні АН-26 әскери ұшағының дауысын Гүлзира естімеді. Сағат үште міне ұшып шықтық деп ватсапқа жазған жолдасының бұл соңғы жазбасы болып қалды.
ГҮЛЗИРА ОРМАНБЕКОВА, марқұм Ғабит Барлықбаевтың жары:
– Штурман, первоклассный, штурман. Өзі майор званиясы, осы декабрьде 20 жыл болады, Ақтөбеде оқыды. Летный, авиационныйда.
Осындай арыстай ұлынан айырылған әкенің де жүрегі қан жылап тұр. Ұшақ апатында қаза тапқан ұшқыш Ғабит Барлықбаев үш ағайынды екен. Өзі үйдің тұңғышы болған.
ЕСІМДЕ БАРЛЫҚБАЕВ, марқұм Ғабит Барлықбаевтың әкесі:
– Үш ұлым бар. Үшеуі де жоғары білімді әскери адамдар. Оның ішінде екеуі ұшқыш. Армияның тәрбиесі, халық білсін. Балалары бар екенін білсін, Отанын қорғайтын, Президентінің үмітін ақтағанын білсін.
Боралдай кентінде қызмет еткен ұшқыштың денесі туған жері Талдықорған маңындағы Бақтыбай ауылында жер қойнына тапсырылды. Ғабит Барлықбаевтың үлкен баласы 9 да болса, кішкентайы екі-ақ жаста.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ұшақ_апаты #АН-26 #қайғылы_жағдай

Видео Алматыдағы ұшақ апатынан қаза болған штурман Ғабит Барлықбаев жер қойнына тапсырылды канала Информбюро 31