Православный † календарь. Четверг, 9 августа, 2018г. Великомученика и целителя Пантелеимона (305)

Седмица 11-я по Пятидесятнице. Глас первый.

Вмч. и целителя Пантелеимона (305).
Прп. Германа Аляскинского (1837).
Сщмчч. Амвросия еп. Сарапульского, Платона и Пантелеимона пресвитеров (1918).
Сщмч. Иоанна пресвитера (1941).
Свт. Иоасафа, митр. Московского и всея России (1555).
Блж. Николая Кочанова, Христа ради юродивого, Новгородского (1392).
Прп. Анфисы игумении и 90 сестер ее (VIII).
Равноапостольных: Климента, еп. Охридского (916), Наума, Саввы, Горазда и Ангеляра, учеников свв. Кирилла и Мефодия (Болг.).
Новомч. Христодула (1777) (Греч.).
Слепого, исповедовавшего Христа и умученного с св. Пантелеимоном (Греч.).
853 мчч. фракийских (Греч.).
Св. Мануила монаха (Греч.).

Чтения дня

Луки 21:12-19 (на утрене)
2 Тимофею 2:1-10 (великомученику)
Иоанна 15:17-16:2 (великомученику)
 ТРОПАРИ

Вмч. и целителя Пантелеимона. Тропарь, глас 3.
Страстоте́рпче святы́й и целе́бниче Пантелеи́моне,/ моли́ Ми́лостиваго Бо́га,/ да прегреше́ний оставле́ние/ пода́ст душа́м на́шим.

Кондак, глас 5.
Подража́тель сый Ми́лостиваго/ и исцеле́ний благода́ть от Него́ прие́м,/ страстоте́рпче и му́чениче Христа́ Бо́га,/ моли́твами твои́ми душе́вныя на́ша неду́ги исцели́,/ отгоня́ при́сно борца́ собла́зны от вопию́щих ве́рно:/ спаси́ ны, Го́споди.

Прп. Германа Аляскинского. Тропарь, глас 7.
Звездо́ пресве́тлая Це́ркве Христо́вы,/ на се́вере просия́вшая,/ вся к Ца́рствию Небе́сному путеводя́щая,/ учи́телю и апо́столе и́стинныя ве́ры,/ предста́телю и засту́пниче гони́мых,/ украше́ние изя́щное Святы́я Це́ркве во Аме́рице,/ преподо́бне о́тче Ге́рмане Аля́скинский,/ моли́ся ко Го́споду, Спа́су на́шему,/ спасти́ся душа́м на́шим.

Ин тропарь, поемый во Америце, глас 3.
Преподо́бне о́тче наш Ге́рмане,/ пе́рвый свети́льниче, в земли́ на́шей просия́вый,/ прино́сим вси тебе́ похвалы́ сия́,/ ты же, я́ко име́я дерзнове́ние ко Го́споду,/ бу́ди нам засту́пник и уте́шитель/ и Це́ркве на́шея покрови́тель ди́вный,/ да вси со умиле́нием зове́м ти:/ ра́дуйся, о́тче наш Ге́рмане, Аля́ски и всея́ Аме́рики пресла́вный чудотво́рче.

Кондак, глас 3.
Свет ве́чный Христа́ Спа́са на́шего/ тя на путь ева́нгельский во Аме́рику наста́ви,/ возвести́ти весть о ми́ре ева́нгельскую./ Днесь Престо́лу Сла́вы предстоя́,/ моли́ся о стране́ твое́й и лю́дех ея́,/ о ми́ре всего́ ми́ра/ и спасе́нии душ на́ших.

Блж. Николая Кочанова. Тропарь, глас 8.
Терпе́нием свои́м и му́жеством/ Христа́ ра́ди во юро́дство претвори́вся, блаже́нне Нико́лае,/ ху́дость ри́зную име́я,/ тя́гость ва́ра дневна́го поне́сл еси́/ и мра́зы зи́мныя терпе́л еси́./ И ны́не, в Вы́шних Тро́ице предстоя́,/ нам, приходя́щим с ве́рою к ра́це моще́й твои́х,/ исцеле́ние подае́ши, твое́ успе́ние че́стно сла́вящим,/ и мо́лиши Христа́ Бо́га спасти́ся душа́м на́шим.

Ин тропарь, глас тойже.
Го́рняя му́дрствуя,/ свя́то жи́тельствуя и сла́вы ми́ра отбега́я,/ юро́дство Христа́ ра́ди избра́л еси́, блаже́нне Нико́лае,/ и ны́не, в Вы́шних Тро́ице предстоя́,/ нам, честну́ю память твою́ сла́вящим/ и с ве́рою к ра́це моще́й твои́х приходя́щим,/ исцеле́ние подае́ши/ и мо́лиши Христа́ Бо́га спасти́ся душа́м на́шим.

Кондак, глас 4.
Я́ко Андре́я блаже́ннаго учени́к и насле́дник был еси́,/ того́ же стопа́м после́дуя, юро́диве Нико́лае Коча́нов,/ и па́ки от мирски́я ча́ди уничиже́ние и пха́ние прие́мля,/ о и́хже согреше́ниих Христу́ Бо́гу моля́ся./ По честне́м же твое́м успе́нии Вели́кий Но́вград и́мать мо́щи твоя́ в себе́,/ я́ко неистощи́мое сокро́вище,/ подае́ши бо исцеле́ние/ ве́рою к ра́це моще́й твои́х приходя́щим/ и успе́ние твое́ че́стно сла́вящим.

Кирилла, Мефодия, Климента, еп. Охридского, Наума, Савву, Горазда и Ангеляра (Болг.) Тропарь, глас 1.
Венцы́ хвале́ния увенча́им седмочи́сленники сла́вныя,/ Кири́лла со Мефо́дием, Кли́мента, Нау́ма со Са́ввою/ и Гора́зда со Ангела́рием,/ я́ко свети́ла возсия́вшия/ и Триеди́наго Бо́га нам благовести́вшия,/ столпы́ незы́блемыя Це́ркве Бо́лгарския/ и богодухнове́нныя побо́рники сло́ва на́шего,/ бесо́вское и́долом поклоне́ние упраздни́вшия/ и Христу́ Бо́гу моля́щияся,/ Це́рковь на́шу утверди́ти/ и душа́м на́шим дарова́ти/ мир и ве́лию ми́лость.

Кондак, глас 4.
Непобеди́мы в по́стничестве я́вльшеся,/ ко́зни неви́димых враго́в Боже́ственною си́лою победи́сте;/ мно́жества же научи́вше непросвеще́нных болга́р/ Правосла́вней ве́ре,/ восприя́сте венцы́./ О нас моли́теся Христу́, седмочи́сленницы,/ да́ти прегреше́ний оставле́ние.
▼
✤ Ссылка на видео https://youtu.be/lzVsqpeBT88
✤ Подписаться на канал https://www.youtube.com/channel/UCIsibO3gYPmlinD9b5NrOew

Видео Православный † календарь. Четверг, 9 августа, 2018г. Великомученика и целителя Пантелеимона (305) канала † Русская Православная Церковь