Dany Silva & Nancy Vieira - Tempo De Canequinha "Sérgio Frozonni"

🎼🎸🎤 Dany Silva & Nancy Vieira - Tempo De Canequinha "Sérgio Frozonni" Un vez soncente era sab... Maravilha🌹 ⭐⭐⭐⭐⭐ #DiaNacionalDaMorna🎸 #DiaDoBleza🎸🇨🇻❤️ Viva a Morna🙏
TEMPE DE CANIQUINHA
Sanvecente um tempe era sabe
Sanvecente um tempe era ôte côsa
Cónde sês modjêr tâ usába
Um lenço e um xales cor de rósa
Um blusa e um conta de coral

Cónde na sês bói nacional
Tá mornód tê manchê
Cónde sem confiança nem abuse
Tá servid quel cafê
Ma qu'el ratchinha de cúscús.

Cónde pâ nôs Senhóra da Luz
Tinha um grande procisson
Cónde tâ colóde Santa Cruz
Tâ colóde pâ San Jon
Lá na rebera de Julion
Cónde tá cutchide na pilon
Tá cantá na porfia
Cónde ta tchuveba e na porte
Tâ vivido que mâs sôrte
E que mais aligria.

Pove câ tâ andá moda agora
Na mei de miséria tcheu de fome
Tâ embarcá tâ bâ ‘mbóra
Sem um papel, sem um nome,
Moda um lingada de carvon.
Era colheita na tchôn
Era vapôr na bahia,
Oh Sanvecente daquês dia
Atê góte de Manê Jon
Tá ingordá na gemáda.

Lá pâ quês rua de moráda
Era um data de strangêr
Era um vida folgáda
Ciçarône vida airáda
Tâ nadába na dnhêr.
De nôte sentód na pracinha
'M ta partí gônhe assin…
Pa mim, pâ bô, pa mim,
Pa mim, pâ bô, pa mim
Era tempe de caniquinha…

Видео Dany Silva & Nancy Vieira - Tempo De Canequinha "Sérgio Frozonni" канала JSM CVMusic