Korrupsioner məmurların pullarını əllərindən alacaqlar...- Tural Abbaslı ilə "Canlı debat"

Vətən müharibəsindən sonra xalq olaraq da, toplum olaraq da, bir başqayıq! Qalib ordu nədirsə, qalib xalq da odur! İndi dünyaya bir başqa baxırıq. İndi ən böyük problem olaraq, Qarabağ problemini aşmış durumdayıq. Ona görə, artıq hər kəsin öz problem daha da böyüyüb, 1-ci sıraya keçib. Hər kəs daha da tələbkar olub. Bu cür davranış davam edəcək.

Prezidentin dediyi ictimai nəzarət institutu-mexanizmi necə işləyir? Dövlət başçısı çıxışlarında bir neçə dəfə bu barədə danışıb və bu institutun vacibliyini vurğulayıb. Prezident AZ.TV-yə son müsahibəsində də məmurları ciddi tənqid edəndə, yenidən ictimai nəzarətin vacibliyini vurğalyıb. İlin sonunda Prezidentin köməkçisi Hikmət Hacıyev mərkəzi icra hakimiyyəti orqanlarında ictimai nəzarətin həyata keçirilməsi, bu sahədə mövcud olan problemlərin aradan qaldırılması, mövcud hüquqi bazanın təkmilləşdirilməsi məsələləri ilə bağlı həmin qurumların rəhbər şəxsləri ilə görüş keçirib. Prezident köməkçisi 2013-cü ildə ölkədə ictimai nəzarət mexanizminin hüquqi bazasının yaradıldığını, "İctimai iştirakçılıq haqqında" qanun qəbul edildiyini, qanuna əsasən, mərkəzi və yerli icra hakimiyyəti, habelə yerli özünüidarəetmə orqanlarının fəaliyyətinə ictimai nəzarəti təşkil etmək üçün həmin qurumların nəzdində vətəndaşların və vətəndaş cəmiyyəti institutlarının seçkili nümayəndələrindən ibarət ictimai şuraların yaradılması mexanizminin təsbit edildiyini vurğulayıb. O, sözügedən qanunun qəbul edilməsindən 7 ilə yaxın vaxt keçməsinə baxmayaraq, hələ də onun tətbiqində ciddi problemlərin qaldığını, bir sıra mərkəzi icra hakimiyyəti orqanlarında ictimai şuraların yaradılmadığını, mövcud olan əksər şuraların isə yaradılmasında və fəaliyyətində kifayət qədər nöqsanlara yol verildiyini bildirib- Qanunun və nəzarət mexanizminin işləməsi üçün hansı zəruri addımlar atılmalıdır?
Avropa İttifaqı hələ də "Qarabağ münaqişəsinin sülhlə həllindən" danışır - Qoca Qitədə bizim qələbəmizi görmürlər, yoxsa... Avropa Parlamentinin (AP) üzvləri, Avropa İttifaqı (Aİ) və Cənubi Qafqaz ölkələri üzrə Parlament Tərəfdaşlıq Komitələrində nümayəndə heyətinin sədri, Marina Kalyurand, AP-nin Ermənistan üzrə daimi məruzəçisi Andrey Kovaçev və AP-nin Azərbaycan üzrə daimi məruzəçisi Yelena Zovko tərəfindən "Dağlıq Qarabağ münaqişəsinin həlli üzrə danışıqların davam etdirilməsinə ehtiyacın olması" barədə birgə bəyanat verib. Azərbaycan XİN bəyan edib ki, bu bəyanat AP üzvlərinin bölgədə mövcud olan cari vəziyyətdən hələ də tam məlumatlı olmadıqlarını göstərir. "Ermənistan-Azərbaycan münaqişəsinə son qoyulub, Azərbaycan ərazi bütövlüyünü təmin edib və BMT TŞ-nin 1993-cü il tarixli müvafiq qətnamələrinin həyata keçirilməsini təkbaşına təmin edib. Başqa sözlə desək, AP üzvlərinin istinad etdiyi və dövlətlərarası münasibətlərin təməlini təşkil edən Helsinki Yekun Aktının sərhədlərin toxunulmazlığı və dövlətlərin ərazi bütövlüyü prinsipləri rəhbər tutulub" deyə, cavab bəyanatında bildirilir. Aİ və AP Qarabağ məsələsində niyə hələ də "münaqişənin həllində danışıqlar olmalıdır" deyir? Azərbaycanın qələbəsini görmürlər, yoxsa yenidən "ermənilərə status" məsələsini gündəmə gətirirlər? Əgər belə "canıyanandırlarsa", Ermənistanın sülhə əngəl olan addımlarını pisləsinlər, azərbaycanlı qaçqınların öz doğma torpaqlarına qayıtmasına səy göstərsinlər. 44 günlük müharibədə Azərbaycanın haqq işinə dəstək verməyən Avropa İttifaqı üçün Ermənistan niyə belə əzizdir?

Korrupsioner məmurlar həbsə getsin, yoxsa oğurladıqları geri alınsın? Siyavuş Novruzov Musavat.TV-dəki debatda deyib ki, korrupsionerləri həbs etməklə iş bitmir, əsas onların oğurladıqları pulları geri qaytarmaqdır. Bu bir sıra ölkələrdə də bu və digər formada həyata keçirilib. Azərbaycanda bunu necə qiymətləndirilər?

Bu və digər suallara cavab tapmaq üçün bu gün TV Müsavatın "Canlı debat" proqramında Ağ Partiyanın sədri Tural Abbaslı ilə söhbət edəcəyik

Видео Korrupsioner məmurların pullarını əllərindən alacaqlar...- Tural Abbaslı ilə "Canlı debat" канала TV Musavat