Депутаттар каникулға кеткен күн

Бүгін Сенат және Мәжіліс депутаттары парламенттік каникулға кетті. Алғашқы сессияны қорытындылған Нұрлан Нығматулин алты ай ішінде қос палата депутаттары 104 заң жобасын қарап, оның алпыс үшін қабылдағанын айтты.
Нұрлан Нығматулин Сайлау туралы заң жобасындағы: саяси партиялардың мәжіліске өту шегі 7-ден 5 пайызға төмендетілгенін, сайлау бюллетеньдеріндегі "барлығына қарсымын" деген бағанның енгенін, ауылдың әкімін халық өзі сайлай алатынына ерекше тоқталды. Жер кодексіне қатысты түзетулерге де депутаттар біраз тер төккенін мақтана жеткізді. Қазір мәжілістің қарауында 35 заң жобасы жатыр деді. Бүгін барлық үкімет мүшелері, президентке тікелей бағынатын органдардың басшылары мен биліктің барлық тізгінін ұстаған шенеуніктер тайлы-тұяғымен қалмай Нығматулинді тыңдауға келді. Мәжіліс депутаттары расында халық үшін қатты жұмыс істеп шаршаған секілді: Халық партиясының лидері Айқын Қоңыров жарты сағаттық жиынды ұйықтаумен өткізді.
НҰРЛАН НЫҒМАТУЛИН, ҚР Парламенті Мәжілісінің Төрағасы:
– Президентіміздің алға қойған міндеттерін сапалы заңдармен қамтамасыз еттік. Ол заңдар ең алдымен әрбір азаматты әлеуметтік жағынан қорғауға, азаматтардың өзекті проблемаларын шешуге, өмір сапасын арттыруға ықпал етті!
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Парламент #депутаттық_каникул

Видео Депутаттар каникулға кеткен күн канала Информбюро 31