Oghlumgha - Abdulla Abdurehim | Uyghur song

Song: Oghlumgha
Lyrics: Abdulla Abdurehim
Music: Asqar Muxtar
Artist: Abdulla Abdurehim

«يىگىن ئىچكىن بۇزۇپ چاچما»دىگەن ھىكمەت مىراس بىزگە
بۈگۈن دانالىرىم قايتا شۇ ھىكمەتنى سالار ئەسكە
ئەجەپ دەۋران سۈرۈپ ماڭدۇق گۈزەل ئەتە ئۈچۈن ئەمما
يېتىڭ قەدرىگە توقلۇقنىڭ چېلىقمايلى يامان كۆزگە
ئەي...
چېلىقمايلى يامان كۆزگە

قەدىرلەش بۇردا ئاق ناننى—پەزىلەت ئەۋجىدۇر بىلسەڭ
شۇڭا ۋارىس ئېسىل ئەۋلاد بولۇش—شەۋكەت ماڭا سىزگە
بۈيۈكلەر ئېيتىدۇ دائىم «بىغەم يۈرمەيلى خوشلۇقتا»
خەتەر تۇيغۇسى كەم توشقان—چوماققا دەل چىقار تۈزگە
ئەي...
چوماققا دەل چىقار تۈزگە

شۇ تاپ دۇنيادا سانسىزلار تېخى ئاچلىقتا ،زارلىقتا
بىلىپ-بىلمەي تۆكۈلدى ئاش،تۆكۈلدى نان ئېشىپ بىزدە
نىمە خار بولسا بىر كۈنلەر شۇنىڭغا زار بولۇر ئىنسان
بۇ ھال تاشلىمىسۇن بىزنى باھاردىن ئېلىپ«غېرىپ كۈز»گە
ئەي...
باھاردىن ئېلىپ«غېرىپ كۈز»گە
شۇڭا ئوغلۇم،ساڭا مەندىن نەسىھەت بۇ ئىشەنگەيسەن
«خاراپتۇر داننى خار قىلغان ماكان ئەھلى»دىگەن سۆزگە
ئەي...
ماكان ئەھلى دېگەن سۆزگە
يىگىن ئىچكىن بۇزۇپ چاچما

«Yigin ichkin buzup chachma»digen hikmet miras bizge
Bügün danalirim qayta shu hikmetni salar eske
Ejep dewran sürüp mangduq güzel ete üchün emma
Yéting qedrige toqluqning chéliqmayli yaman közge
Ey...
Chéliqmayli yaman közge

Qedirlesh burda aq nanni—pezilet ewjidur bilseng
Shunga waris ésil ewlad bolush—shewket manga sizge
Büyükler éytidu da'im «bighem yürmeyli xoshluqta»
Xeter tuyghusi kem toshqan—chomaqqa del chiqar tüzge
Ey...
Chomaqqa del chiqar tüzge

Shu tap dunyada sansizlar téxi achliqta ,zarliqta
Bilip-bilmey töküldi ash,töküldi nan éship bizde
Nime xar bolsa bir künler shuninggha zar bolur insan
Bu hal tashlimisun bizni bahardin élip«ghérip küz»ge
Ey...
Bahardin élip«ghérip küz»ge
Shunga oghlum,sanga mendin nesihet bu ishen'geysen
«Xaraptur danni xar qilghan makan ehli»digen sözge
Ey...
Makan ehli dégen sözge
Yigin ichkin buzup chachma!

"йигин ичкин бузуп чачма"дигән һикмәт мирас бизгә
бүгүн даналирим қайта шу һикмәтни салар әскә
әҗәп дәвран сүрүп маңдуқ гүзәл әтә үчүн әмма
йетиң қәдригә тоқлуқниң челиқмайли яман көзгә
әй...
челиқмайли яман көзгә

қәдирләш бурда ақ нанни—пәзиләт әвҗидур билсәң
шуңа варис есил әвлад болуш—шәвкәт маңа сизгә
бүйүкләр ейтиду даим "биғәм йүрмәйли хошлуқта"
хәтәр туйғуси кәм тошқан—чомаққа дәл чиқар түзгә
әй...
чомаққа дәл чиқар түзгә

шу тап дуняда сансизлар техи ачлиқта ,зарлиқта
билип-билмәй төкүлди аш,төкүлди нан ешип биздә
нимә хар болса бир күнләр шуниңға зар болур инсан
бу һал ташлимисун бизни баһардин елип"ғерип күз"гә
әй...
баһардин елип"ғерип күз"гә
шуңа оғлум,саңа мәндин нәсиһәт бу ишәнгәйсән
"хараптур данни хар қилған макан әһли"дигән сөзгә
әй...
макан әһли дегән сөзгә
йигин ичкин бузуп чачма!

Видео Oghlumgha - Abdulla Abdurehim | Uyghur song канала Uyghur Beauty