Toy edenler ve tutulanlar #toy #karantin

İNTERSUM (TOYLARDAN GÖRÜNTÜ)

MÜRVƏT ZALİKOĞLU__MÜXBİR
(artıq bir müddətdir ki, toyların keçirilməsinə icazə verilib. amma toylar müəyyən qaydalarla, müəyyən məhdudiyyətlə keçirilə bilər. Burda say məhdudiyyəti var. 150-dən çox covid pasportu olan şəxsdən artıq adam toyda iştirak edə bilməz. Amma bu qadağalara baxmayaraq, yenə də bəzi şəxslər daha çox adamın iştirakı ilə toy keçirməyə cəhd edir ki, bunun da qarşısı hüquq mühafizə orqanları tərəfindən alınır)

NURLAN ƏLİYEV__DİN-İN ƏMƏKDAŞI
(yoxlamalar zamanı bir sıra qayda pozuntuları aşkarlanır. Toylarda icazə veriləndən artıq qonaqlar iştirak edir dəfələrlə. Və həmin qonaqların da bir qisminin hətta deyərdim, covid 19 immun sertifikatı və ya pasportu olmur)

VİDEO: Qaydalara əməl etməməyə görə, hər iki tərəf, həm restoran sahibi, həm də toy sahibi məsuliyyət daşıyır və cərimə olunur. Şadlıq evlərinin icarədarları deyir ki, toy edən tərəf maksimum sayda qonaq dəvət etməyə çalışır. Onların bu istəyi ilə razılaşmayanda da, toyu burda təxirə salıb, gedib başqa şadlıq sarayında edirlər.

İLKİN KƏRİMLİ__İCARƏDAR
(bəli gələnlər var, yaxınlaşanalar var. Mənim qonağım var çoxdur. Yəni bizlik bir şey yoxdur ki, dövlətin qoydugu qanundur. Biz də ona əməl edirik 150 nəfərlə. Elə adam var ki, 450-500 nəfər qonağı var. Amma mümkün deyil axı. Gəlib yoxlayırlar)

VİDEO: Bəs insanların, toylara daha çox adam çağırmaq istəyinin səbəbi nədir? Ekspertlər deyir ki, burda əsas səbəb maddi qazanc, bu vaxta qədər getdiyi toylarda yazdırdığı pulları geri qalmaq istəyidir.

ÜZEYİR ŞƏFİYEV__SOSİOLOQ
(zamanında onlar hansısa bir toy mərasimlərinə gediblər. Həmin toy mərasimlərində atdığı belə deyək də hədiyyələri, nəmərləri geri qaytarmaq amacı ilə bax belə bir çoxlu insanlar yığmağ çalışır yəni sırf insanların şəxsi fayda güdmək amaclarından irəli gələn bir məsələdir)

VİDEO: DİN isə bir daha vətəndaşlara müraciət edərək, mövcud qaydalara əməl etməyə çağırır.

NURLAN ƏLİYEV__DİN-İN ƏMƏKDAŞI
(övladına toy edən valideynləri öncədən təbrik edirik. Amma xahiş və tələb edirik ki, toy təşkil edərkən, mütləq qaydada karantin qaydalarına riayət etsinlər əks halda ciddi cəza tədbirləri tətbiq olunacaq. Bəzi hallarda bu qaydaları pozan şəxslər barədə cinayət işi də açılır)

VİDEO: Qeyd edək ki, azərbaycanda toy və nişan mərasimlərinin keçirilməsinə ötən ilin martın 14-dən qoyulan qadağa, bu ilin iyulun 1-dən götürülüb.

Видео Toy edenler ve tutulanlar #toy #karantin канала MURVET ZALIKOGLU (ZULFUQAROV)