$5 միլիարդով Արցախը, $50 միլիարդով՝ Հայաստանը․․․ Երկիրը սարքել եք որբի գլուխ, ով ուզում՝ խուզում է․

«5 միլիարդ դոլար՝ 7 շրջանների դիմաց» թեման Սերժ Սարգսյան-Լուկաշենկո տիրույթից տեղափոխվում է Նիկոլ Փաշինյան-Արթուր Վանեցյան դաշտ։ Սերժ Սարգսյանի փեսա Միքայել Մինասյանը հայտարարում է, թե Ալիևը 7 տարածքների հանձնման դիմաց 5 միլիարդ դոլարի առաջարկ արել է նաև Նիկոլ Փաշինյանին։ Ըստ նրա՝ առաջարկը 2018-ի հոկտեմբերին Դուբայում ծրարով ԱԱԾ նախկին պետ Վանեցյանին փոխանցել է ադրբեջանցի պաշտոնակիցը։ Այս թեման ինչո՞ւ է հիմա շոշափվում, ի՞նչ նպատակներ կան և ինչպե՞ս կարելի է պարզել ճշմարտությունը։ -Ինձ համար շատ տարօրինակ է, որ շատ կարևոր բաների մասին մենք առաջինն իմանում ենք Միքայել Մինասյանից։ Եթե կհիշեք՝ Միքայել Մինասյանից հանրությունը տեղեկացավ, որ սպասվում է հայտարարության ստորագրում Հայաստանի, Ռուսաստանի և Ադրբեջանի ղեկավարների միջև, մեկ ժամ հետո հրապարակվեց այդ հայտարարությունը, հայկական կողմի զոհերի վերաբերյալ տեղեկատվություն հրապարակեց։ Ինձ անհասկանալի է՝ այդ տղային որտեղի՞ց այդ տեղեկությունները։ Եվ այդ մասին պետք է մտածի Նիկոլ Փաշինյանը։ Ձեր միջոցով ես ուզում եմ հարց տալ Նիկոլ Փաշինյանին՝ ո՞վ է Միքայել Մինասյանը, որ տիրապետում է այդ կարգի տեղեկությունների։ Պարո՛ն վարչապետ, Ձեր ԱԱԾ տնօրենի գործողությունների մասին իմանում է մի մարդ, որն այսօր մեղադրվում է ծանր հանցագործությունների կատարման մեջ։ Մի կողմ թողնենք՝ դա հիմնավոր է, թե՝ ոչ։

Նյութի աղբյուր՝ factor.am

#pashinyanvanecyan #lurerhayastanic #arcax #5miliardaliev

Видео $5 միլիարդով Արցախը, $50 միլիարդով՝ Հայաստանը․․․ Երկիրը սարքել եք որբի գլուխ, ով ուզում՝ խուզում է․ канала Banber News