Владимир Лапцевич о своём задержании

Журналіст “Магілёўскага рэгіёну” Уладзімір Лапцэвіч выйшаў на волю з ІЧУ УУС Магілёўскага аблвыканкама пасля двух сутак арышту.

Супрацоўнікі міліцыі затрымалі Лапцэвіча вечарам 6 лістапада. Яго затрыманне праваахоўнікі патлумачылі тым, што ў журналіста ёсць “неадбытыя суткі адміністрацыйнага арышту”.

Напярэдадні прэзідэнцкіх выбараў, 5 жніўня, Лапцэвіч быў затрыманы нібыта за непадпарадкаванне супрацоўнікам міліцыі. Суд Ленінскага раёна Магілёва пакараў журналіста 12 суткамі арышту. Аднак журналіста выпусцілі датэрмінова 15 жніўня ў сувязі з пратэстамі супраць жорсткіх затрыманняў у Магілёве.

Такім чынам, у Лапцэвіча сапраўды заставаліся неадбытымі двое сутак арышту. Аднак пра іх праваахоўнікі чамусьці ўзгадалі толькі зараз, хоць суд Ленінскага раёна Магілёва 30 верасня караў журналіста 13 суткамі адміністрацыйнага арышту па абвінавачанні ў парушэнні арт.23.34 КаАП (удзел у несанкцыянаваных масавых мерапрыемствах). Лапцэвіч адбыў пакаранне цалкам, і тады супрацоўнікі міліцыі нічога не казалі пра нібыта “недаседжаныя суткі”.

Лапцэвіч збіраецца абскарджваць дзеянні супрацоўнікаў праваахоўных органаў. Пасля выхада з ІЧУ журналіст распавёў калегам пра ўсе абставіны свайго затрымання.
Страница сайта:
https://6tv.by/

Наши соцсети:
https://vk.com/6tvby
https://www.facebook.com/6tv.by
https://ok.ru/tv6by
https://www.instagram.com/6tvby
https://www.youtube.com/c/6tvby

Помочь каналу:
https://www.patreon.com/6tv
https://www.donationalerts.com/r/6tv

Видео Владимир Лапцевич о своём задержании канала 6tv Магілёўскі рэгіён