Թուրքական դաս Վրաստանին․ Երևանը Մոսկվայի դեմ հարց է դնում․ Մոսկվայի երկկողմանի ճնշման լծակները

Տեղի է ունեցել հեռախոսազրույց Թուրքիայի նախագահ Էրդողանի և Վրաստանի վարչապետ Իրակլի Ղարիբաշվիլու միջև, որի ընթացքում քննարկել են երկկողմ և ռեգիոնալ հարցեր: Ինչպես հայտնի է տարածված հաղորդագրություններից, Էրդողանը հույս է հայտնել, որ կակտիվանա Թուրքիա-Վրաստան-Ադրբեջան եռակողմ ձևաչափը: Դա հետաքրքիր, ուշադրության արժանի «հույս» է, հաշվի առնելով մի բավականին նուրբ հանգամանք: Նախ, ակնառու է, որ Էրդողանն այդ «հույսով» ակնարկում է այսպես ասած եռակողմ ձևաչափում պասիվության մասին, որը մեծ հավանականությամբ պայմանավորված է Վրաստանով, ինչի համար էլ Էրդողանը հայտնում է այդ հույսը Վրաստանի վարչապետի հետ հանդիպմանը:
Թուրքիայի նախագահի այդ անդրադարձը առանձնահատուկ լույսի տակ է հայտնվում օրերս Թբիլիսիում կատարված մի հանգամանքի ֆոնին: Խոսքը Ադրբեջանի նրա կցորդ Ալիևի հանդեպ քննադատությամբ և ընդդիմախոսությամբ հայտնի բլոգերի մահվան մասին է: Ալիևի ընդդիմախոս բլոգերին մահացած են գտել Թբիլիսիում: Բլոգերի մահվան հանգամանքը կարելի է դիտարկել որպես Վրաստանի ազգային անվտանգության թիկունքում թուրք-ադրբեջանական օպերացիա: Առավել ևս, որ ըստ էության խոսքը երկրորդ դեպքի մասին է, պարզապես առաջինի պարագայում ոչ թե սպանել էին ընդդիմադիր լրագրողին, այլ առևանգել Բաքու և դատապարտել:
Նյութի աղբյուր՝ 1in.am

#lurer #vrastan #turkia #hayastan #rusastan #aliev #putin #adrbejan

Видео Թուրքական դաս Վրաստանին․ Երևանը Մոսկվայի դեմ հարց է դնում․ Մոսկվայի երկկողմանի ճնշման լծակները канала Banber News