xii opus

vii [blús fyrir lomma]
Mér líður oftast vel
Mér líður stundum illa
Mér líður illa núna
Mér gæti liðið betur
Mér líður illa núna
Mér gæti liðið betur
Mér liði kannski betur ef
ég færi í sund á morgnana
Mér liði kannski betur ef
ég færi fyrr að sofa og
kyssti konuna mína
alltaf góða nótt
Mér liði kannski betur ef
ég setti stundum í þvottavél
Mér liði kannski betur ef
ég hugsaði minna um uppgang
fasistahreyfinga í norðan- og vestanverðri
Evrópu og víðar
Mér liði kannski betur ef
ég svæfi hjá sautján ára gamalli stúlku
án þess að upp kæmistMér liði kannski betur ef
ég léti vera að borða kolvetni, nema í
algjörum undantekningartilfellum svo sem í
matarboðum eða hjá mömmu
Mér liði kannski betur ef
ég byggi eilítið rýmra og hefði afdrep fyrir
bækurnar mínar með legubekk og hæfilega
björtum lampa
Mér liði kannski betur ef
ég vissi hvert stefnir
Mér liði kannski betur ef
ég myrti manninn sem ofsækir mig
í svefni og vöku
Mér liði kannski betur ef
ég færi í frekara nám
Mér liði kannski betur ef
ég tæki reglulega C vítamín eða borðaði
appelsínur samkvæmt fyrirfram ákveðnu
skipulagi
Mér liði kannski betur þá

Видео xii opus канала Kvikland ehf