Псалом 51

Что хвалишися во злобе, сильне? Беззаконие весь день. Неправду умысли язык твой, яко бритву изощрену сотворил еси лесть. Возлюбил еси злобу паче благостыни, неправду неже глаголати правду. Возлюбил еси вся глаголы потопныя, язык льстив. Сего ради Бог разрушит тя до конца, восторгнет тя, и преселит тя от селения твоего и корень твой от земли живых. Узрят праведнии и убоятся, и о нем возсмеются и рекут: се человек, иже не положи Бога Помощника себе, но упова на множество богатства своего, и возможе суетою своею. Аз же яко маслина плодовита в дому Божии, уповах на милость Божию во век и в век века. Исповемся Тебе во век, яко сотворил еси, и терплю имя Твое, яко благо пред преподобными Твоими.

Видео Псалом 51 канала Псалмы