Даҳшат! Рейди Занҳои ҳиҷобдор аз тарафи милисаҳои ВКД

Сулаймон Орзуев

Хабар_ро хонед
#Payom.net

Вазорати корҳои дохилаи Тоҷикистон усули нави мубориза бо ҳиҷобро ба роҳ мондааст. Ҳиҷобпӯшон дар кӯчаҳо тавассути мусофирбарҳои кӯчак (маршруткаҳо) дуздида шуда, ба шӯъбаи ВКД интиқол ва онҷо танбеҳ мешаванд. 
Дирӯз, 31 июл чанд корманди шӯъбаи пулис дар ноҳияи Сино даҳҳо зани ҳиҷобпӯшро аз роҳҳо дуздида ба идораашон интиқол додаанд. Тибқи иттилоъи занони дуздидашуда, кормандони ВКД барои ин кор аз мусофирбарҳои рақами 42 ва 28 истифода кардаанд. 
Ин мусофирбарҳо, ки дохилашон 2-3 коргари ВКД нишастаанд, занони ҳиҷобпӯшеро, ки дар истгоҳҳо қарор доранд, савор мекунанд ва рост ба шӯъбаи корҳои дохилӣ мебаранд. Дар шӯъба аз онҳо баёнот гирифта мешавад ва “корҳои фаҳмондадиҳӣ” гузаронида мешавад. Ҳеҷ кадом аз кормандони ВКД, ки дар дохили мусофирбарҳо ба “шикор”-и занони ҳиҷобпӯш машғуланд, худро муаррифӣ накардаанд. Ба талаби занон оиди нишон додани ҳуҷҷат ё муаррифии худ, посух медоданд, ки дар шӯъба хоҳед донист.
Ронандагони мусофирбарҳо аз занон узр пурсида гуфтаанд, ки онҳоро ба ин кор маҷбур кардаанд.  
Баъди ҷамъ кардани даҳҳо зан дар шӯъба ба назди онoо нафареро овардаанд, ки худро муҳассили донишгоҳи хориҷӣ, қории Қуръон ва муҳаддис муаррифӣ намуда, ба онҳо “амри маъруф ва наҳйи мункар” кардааст. Ӯ гуфтааст пӯшидани ҳиҷоб дар дастури дин нест ва бояд онҳо либосҳо ва рӯймоли миллӣ ба бар кунанд.
Ба эътирози занон, ки чаро онҳоро бо роҳи фиреб ва дуздӣ ба шӯъба овардаанд, на бо роҳи қонунӣ, ин “донишманди дин” посух додааст, ки “мо ҳилаи шаръӣ кардем”. “Агар дар кӯча мегуфтанд, ки шуморо ба шӯъба мебаранд, намеомадед ва доду фарёд мекардед. Барои ҳамин шуморо бо ҳамин роҳ овардем” – гуфтааст “воъиз”.
Ҳамаи занони дуздидашударо бозпурсӣ ва маҷбур ба навиштани баёнот кардаанд. Намунаи суолҳое, ки ба занон дар шӯъба дода шудааст:

1. Ному насаби худ падару модар.
2. Солу моҳи таваллуди падару модар.
3. Оё ягон нафар аз хонаводаатон зиндонӣ ҳаст?
4. Оё касе аз хонаводаатон дар ҳукумат кор мекунад? ва ғайра.
Яке аз ин занони дуздидашуда ба Паём гуфт, ки “облава”-и занон дар шӯъбаҳои дигари ВКД дар Душанбе низ гузаронида шудааст. 
Тибқи иттилоъи манбаъи дигари Паём як соли охир ба занони ҳиҷобпӯш ворид шудан ба мактабу боғчаи бачагон комилан манъ шудааст. Онҳо наметавонанд на дар маҷлиси падару модарон ширкат кунанд ва на бо муаллимони фарзандонашон сӯҳбат кунанд.
#занҳои_ҳиҷобдорро_нарасед!
#нест_бод_душманони_Тоҷик
#нест_бод_режими_диктатори
#аз_хоби_гарон_хез

Видео Даҳшат! Рейди Занҳои ҳиҷобдор аз тарафи милисаҳои ВКД канала Shef TJ