«Պապայիս եմ ուզում» 4 երեխաները մնացել են առանց ծնողների խնամքի

Արմավիրի մարզի Նալբանդյան գյուղի բնակիչ Դավիթ Մնացականյանը Արմավիրի մարզի ընդհանուր իրավասության դատարանի դատավոր Վահե Խալաթյանի դատավճռով դատապարտվել է 4 տարի ազատազրկման՝ համագյուղացի Դավիթ Հազրոյանի առողջությանը դիտավորությամբ ծանր վնաս հասցնելու համար: Դ. Մնացականյանի չորս երեխաները, որոնց մայրը լքել է նրանց վաղ տարիքից, մնացել են առանց խնամքի: Զույգ որդիներից մեկը՝ Մնացական Մնացականյանը մեկնել է զինվորական ծառայության, իսկ մյուս որդին՝ մնացել է տանը՝ խնամելու անչափահաս քրոջը՝ Տաթևիկ Մնացականյանին: Ավագ դուստրը՝ Սաթենիկ Մնացականյանը, ասում է՝ շատ են տանջվում առանց հոր: Տուժող Դավիթ Հազրոյանը, ի դեպ Ռուսաստանում է, դատի օրերին դատարան չի ներկայացել, միջնորդել է գործը քննել իր բացակայությամբ, հայտնել է, որ Մնացականյանից նյութական պահանջ չունի, նրա դեմ չի բողոքում, և խնդրում է մեղմ վերաբերվել նրան:

Видео «Պապայիս եմ ուզում» 4 երեխաները մնացել են առանց ծնողների խնամքի канала PanoramaamTV