Муроҷиати нави Абдусаттор Пирмуҳаммадзода (видео)

Пирмуҳаммадзода дар як навори 5 дақиқаӣ ба мардум муроҷиат намуда гуфт, ки дар озодӣ аст ва баъд аз навори эътирозии қаблияш аз ҷониби мақомот шиканҷа нашудааст.

Ӯ мегӯяд, муроҷиаташ ҳамчун як шаҳрванди оддӣ буд ва аз мушкилоте, ки худаш эҳсос мекард, тариқи сабти видеоӣ ба мақомот расонд. Ӯ меафзояд, ки шомили ҳеч ҳизбу ҳаракате нест.

Ба гуфтаи Пирмуҳаммадзода аз навори ӯ баъзеҳо ба манфиати худ истифода намуданд, мегӯяд гуфтаҳояш чизи аҷибу нав ва ё ғайри оддӣ набуд. Аммо мардум воҳима ва овоза карданд, ки гӯё ман шиканҷа шуда бошам ва ё дар таҳхонаи кадом мақомоти қудратӣ қарор дорам. Ӯ мегӯяд, чунин набуд танҳо мақомт ҳамроҳаш як сӯҳбати оддӣ доштаанд ва шиканҷа нашудааст.

Пиримуҳаммадзода дар муроҷиати навбатияш мегӯяд:

“Аз камбудӣ гуфтан, як мушкилотеро баён кардан, ки роҳи ҳалли онро чӣ гуна бояд ёбем, ин маънои онро надорад, ки касе барои нооромии ҷомеа ва ё вазъи орому мӯътадили ҷумҳуриро ноором кардан коре карда бошад. Ман хоҳиш мекунам Шумо инро ба инобат бигиред”.
Ӯ дар охири муроҷиаташ аз мардум мехоҳад ба қизияаш нуқта гузоранд ва изҳороту баёнияҳо пахш кардан кифоят аст, акнун масъулин аз пай роҳи ҳал мешаванд.
Ёдовора мешавем, ки чанде пеш ӯ дар саҳифаи фейсбукии худ аз набуди ҷои кор, шароити пасти зиндагӣ ва болои ин ҳама фишору ҷаримабандиҳои кормандони БДА дар роҳҳо шикоят карда буд. Ӯ дар муроҷиати қаблияш ба Эмомалӣ Раҳмон, Озода Раҳмон ва Рустами Эмомалӣ хитоб намуда, гуфта буд, ки агар мардумро ба ҷои кор таъмин карда наметавонед, пас бигузоред ҳадди ақал худашон ризқашонро пайдо кунанду нони меёфтаашонро аз даҳонашон кашида нагиред.

Маълумоти бештар: https://azda.tv/murochiati-navi-abdusattor-pirmukhammadzoda/

AzdaLive #Гузориш #Аздотв

Видео Муроҷиати нави Абдусаттор Пирмуҳаммадзода (видео) канала Azda Live