Աշխարհի վերջը՝ սարսափելի կործանում անօրենության մեջ հաճույք գտնողներին և փրկություն հավատացյալներին

Մեր Տիրոջ 2րդ Գալստյանը նախորդելու են սարսափելի ժամանակներ: Լինելու է շատ դժվար: Այդ դժվար ժամանակներում լինելու են այնպիսի խաբեություններ, պատրանքներ ու մոլորություններ, որ մարդիկ, ովքեր չեն ընդունում ճշմարիտ սերը ու հաճույք են գտնում անօրենության մեջ, այդ մարդիկ հավատալու են ստին: Ու այս մոլորությունը լինելու է հենց Աստծուց: Որպեսզի այդ մարդիկ դատապարտվեն: Որովհետև, Պողոս Առաքյալն ասում է, որ այդ մարդիկ «չհավատացին ճշմարտութեանը եւ հաճույք գտան անօրենության մէջ» (Բ.Թեսաղ. 2:12):

Մենք պետք է պատրաստ լինենք Քրիստոսի 2րդ Գալստյանը ամենայն ժամ: Աշխարհի վերջ շատ դժվար ժամանակ է լինելու: Ու ոչ ոք չգիտի այն երբ կգա, երգ կհասնի:

Նրանց համար, ովքեր սպասում են Քրիստոսին, ապրում հավատքով ու հաճույք չեն ստանում անօրենության գործերի մեջ, նրանաց համար հենց մեր Տերն է Ավետարանում քաջալերում ու լսեք թէ ինչ խոսքեր է ասում այդ դժվար ու սարսափելի օրերի համար: Լավ լսեք այս խոսքերը ու միշտ հիշեք: «Եւ երբ սկսուի այս բանը լինել, վե՛ր կացէք եւ ձեր գլուխները բարձրացրէ՛ք, որովհետեւ մօտ է ձեր փրկութիւնը» (Ղկ 21:28):
Ուրեմն սիրելի քույրեր ու եղբայրներ: Եթե դուք ձեզ Քրիստոնյա էք համարում, եթե անչափ լրջությամբ մոտենանք մեր հավատքին ու Մեր Տիրոջը: Չմերժենք նրա սերը: Չզեխանանք ու տարբեր կատակներով ու հումորներով հանկարծ հաճույք չստանանք անիրավության մեջ: Թէ չէ կկորցնենք զանազանելու՝ չարն ու բարին իրարից տարբերելու շնորհոը ու կսկսենք հավատալ ստին: Այլ ինչպես առաջին Սաղմոսն է ասում՝ ամբարիշտների խորհրդով չշարժվենք, մեղավորների ճանապարհին ոտք չդնենք, հանցագործների հետ համախոհ չլինենք, ոչ թէ հաճույք ստանանք անօրենության գործերից այլ հաճույք ստանանք Տիրոջ օրենքներից և գիշեր-ցերեկ մտածենք Նրա պատվիրանների մասին: Եվ այդ ժամանակ Աստված կմխիթարի ձեզ և հաստատկ կպահի ձեր սրտերը ամեն բարի խոսքի և գործի մեջ:

Բաժանորդագրվեք առաջիկա զրույցների համար: Եկեք միասին տարածենք Ավետարանը:

http://www.tinyurl.com/barekam

Видео Աշխարհի վերջը՝ սարսափելի կործանում անօրենության մեջ հաճույք գտնողներին և փրկություն հավատացյալներին канала Armen Hareyan