Microsoft-ը արդյո՞ք կգնի Netflix-ը 190 միլիարդ դոլարով

ԿՀՎ-ն հավելվածն անվանել է սպառնալիք ԱՄՆ ազգային անվտանգության համար

Չինական TikTok հավելվածը անհանգստություններ է առաջացրել Վաշինգտոնում: Կենտրոնական Հետախուզական Վարչության տնօրեն Ուիլյամ Բեռնսը TikTok-ն անվանել է սպառնալիք ԱՄՆ ազգային անվտանգության համար եւ ընդգծել, որ հավելվածը իսկական անհանգստության պատճառ է կառավարության համար: ԿՀՎ տնօրենն ավելացրել է, որ համամիտ է TikTok-ի վտանգավորության մասին պաշտոնյաների անհանգստությանը, քանի որ այն պատկանում է չինական ընկերությանը:


*** Բիզնեսի օպտիմալացում
Xiaomi-ն կրճատում է աշխատակիցների 15%-ին՝ բիզնեսն օպտիմալացնելու համար

Սմարթֆոններ արտադրող չինական ամենամեծ ընկերությունը՝ Xiaomi-ն սկսել է կրճատել սմարթֆոնների արտադրության և ինտերնետային ծառայությունների բաժինների բազմաթիվ աշխատակիցների: Բիզնեսն օպտիմալացնելու համար ընկերությունը նախատեսում է կրճատել անձնակազմի 15%-ը: Լրատվամիջոցները հայտոնւմ են, որ պատճառը Չինաստանի սպառողական էլեկտրոնիկայի շուկայում ընթացիկ կիսամյակում տիրող ընդհանուր անբարենպաստ վիճակն է, որը սրվել է կորոնավիրուսային համավարակի պատճառով սահմանված լոքդաուններով: Սա իր հերթին ազդել է սմարթֆոնների և այլ սարքերի պահանջարկի վրա: Անցած եռամսյակի վերջի դրությամբ ընկերությունն ուներ 35,314 աշխատակից, որից ավելի քան 32,000-ն աշխատում է Չինաստանում:


***VivoWatch 5 Aero
Asus-ը ներկայացրել է աշխարհում առաջին ֆիթնես ապարանջանը՝ ԷՍԳ ֆունկցիայով

Asus-ը թողարկել է VivoWatch 5 Aero ֆիթնես ապարանջան, որն ունի բժշկական կարգի ԷՍԳ սենսոր. Սա առաջին նման ապարանջան է: Ու նաև այն ունի ֆոտոպլետիզմոգրաֆիկ սենսոր՝ դրանք հաճախ գործածվում են զարկերակը չափելու համար: Դրանց ցուցիչները կարդալու համար օգտատերը պետք է մատը դնի գաջեթի էկրանին: Ի թիվս այլ բաների, ապարանջան ի վիճակի է չափել սթրեսի մակարդակը, քնի որակը և նույնիսկ զարկերակային ալիքի ինդեքսը, որն գործածվում է արյան անոթների վիճակը գնահատելու համար:



*** Նոր գործարք
Microsoft-ը նախատեսում է գնել Netflix-ը 190 միլիարդ դոլարով

Microsoft-ը նախատեսում է ձեռք բերել Netflix վիդեո ծառայությունը: Reuters-ը Գործակալության տվյալներով գործարքը գնահատվում է 190 մլրդ դոլար ՝ հաշվի առնելով բոլոր միջնորդավճարների ու բոնուսների վճարումը: Ի դեպ նշվում է, որ Microsoft-ը, Netflix-ը ձեռք բերելուց հետո, ցանկանում է իր սարքերում առաջարկել խաղերի հոսքային ծառայություն; Reuters-ը հիշեցնում է, որ Microsoft-ը սկսել է այլ ընկերություններ գնել այն բանից հետո, երբ ութ տարի առաջ Սատյա Նադելլան ստանձնեց գլխավոր տնօրենի պաշտոնը:Կորպորացիայի ամենաթանկ գնումների թվում են LinkedIn սոցիալական ցանցը՝ 26 մլրդ դոլարով:

Видео Microsoft-ը արդյո՞ք կգնի Netflix-ը 190 միլիարդ դոլարով канала ABnews