Пешвои миллат дар бораи фаъолияти Сарредаксияи илмии Энсиклопедияи Миллии Тоҷик

19 марти соли 2018 дар Китобхонаи миллии Ҷумҳурии Тоҷикистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар остонаи ҷашни фархундаи Наврӯзи байналмилалӣ чун анъанаи накуи баҳорӣ бо зиёиёни мамлакат мулоқоти самимию судманд анҷом доданд.
Президенти мамлакат муҳтарам Эмомалӣ Раҳмон зимни суханронии худ аз фаъолияти Сарредаксияи илмии Энсиклопедияи миллии Тоҷик ситоиш карда, аз он ҷумла гуфтанд: "Интишори “Донишномаи фарҳанги мардуми тоҷик” дар ду ҷилд вобаста ба омӯзиши урфу одат, анъана, расму ойин, маросими хурсандиву азодорӣ ва касбу ҳунарҳои мардумӣ иқдоми хубест, ки бояд идома дода шавад. Академияи илмҳо ва Сарредаксияи илмии “Энсиклопедияи миллии тоҷик” бояд ҷилдҳои боқимондаи онро низ сари вақт ва бо сифати хуб аз нашр бароварда, дастраси хонандагони дохиливу хориҷӣ гардонанд".

Видео Пешвои миллат дар бораи фаъолияти Сарредаксияи илмии Энсиклопедияи Миллии Тоҷик канала Nemat Akbar