الأمير فهد بن فيصل آل سعود. بديل أمريكا عن محمد بن سلمان

الامير فهد بن فيصل ال سعود
برنامج الجنادرية مع غانم الدوسري

حساب تويتر
https://twitter.com/GhanemAlmasarir

حساب فيس بوك
https://www.facebook.com/GALmasarir
إيميل
galmasarir@gmail.com

=========
السلام عليكم أيها الشعب المسعود العظيم في مملكة سلمانكو اللئيم ابن اللئيم.

جبت لكم يا مشاهدينا واحدن أمير، درجة أولى، يعني صاحب سمو ملكي،

هالأمير فلتة في الذكا والطموح والاعتماد على النفس.

هو امير شاب، عمره ٣٣ سنة، يعني اكبر من حمّودي حامل جينات سلمانكو بسنتين بس.

وهذا الأمير خريج جامعة ستانفورد، مو مثل حمودي، خريج جامعة الملك سعود، باي فار.

وهالأمير اللي حنّا نحتسي عنه، قدوته الأمير سلطان وزير الدفاع وولي العهد الأسبق، مو حمّودي اللي قدوته أبوه اللي عيّنه حاكم على البلد.

أميرنا هذا الجديد اسمه فهد بن فيصل بن سعود بن محمد بن عبد العزيز آل سعود.

يعني جدّه ابو الشرّين. والأميرة مشاعل اللي اذبحوها لانها حاولت تتزوج ولد الشاعر من جدة، وهربت معه، واقتلوها بداية الثمانينات.. هذي الأميرة تصير بنت عم أبوه.

الأمير فهد ذا، من أعلام آل سعود، ومحبوب عند الأمريكان، والغربيين، وفي أخبار تقول انهم ناوين يشيلون محمد بن سلمان، ويحطّونه محلّه.

وبصراحة هذا الأمير فهد، متشبع بثقافة الغرب، وعايش حياته فلّة، ويبي يسوي جسر بين الشرق والغرب، ويبي بعد يغيّر وضع البلد، ويمسح الصورة النمطية عنها بعد تفجيرات سبتمبر.

هذا الأمير فهد عصامي، يعني يعتمد على نفسه، مو على ابوه ولا على أمه، رغم ان مخصصاته كأمير ماشية. بس ما ينهب مثل الدب الداشر.

فهد يحب التكنولوجيا بحكم تخصصه في العلوم والهندسة، واشتغل في الفيس بوك، وعرّبه، وعرّب فيس بوك موبايل، وأسس شركة نعم لألعاب الأطفال، يعلمهم العربية.

وبعدين ذا فهد، شجاع واثق من نفسه، يتكلم عربي وانجليزي بطلاقة، مو مثل الداشر حمودي، اللي كل حصيلته كويك فيكس وبزنس هبس وباي فار. جعله يقرضه الفار.

اميرن ذي مواصفاته، لفت انتباه اوباما، ودعاه الى البيت الأبيض، وقابله كأنه أخوه، واعجب فيه اوباما، وعرّفه على مسؤولين ثانين كبار.

اللي نعرفه ان حمّودي يومن انه شاف ابن عمّه فهد في البيت الأبيض مع اوباما زعل، وقال ليه ما أخذ إذن منّي قبل ما يشوفه؟

ولد سلمانكو من حقه يخاف على منصبه، ويعتبر ان فيه هناك مؤامرة عليه انه يشيلون قشّه، وينطلونه في الزبالة.

وأبي اذكركم ان ابن سلمان، وابن نايف، يومن قابلوا اوباما، كان بارد معهم. وكان متضايق ان عادل الجبير هو اللي يترجم، لأنهم ما يعرفون انجليزي.

وحتى بعد ما رجع ولد سلمان وزار أمريكا مرتن ثانية، في يونيو الماضي، تردد اوباما اذا تذكرون في مقابلة الدب الداشر، وشافه انه ما يسوى شي، ولا يفهم شي، وما قابله الا رابع يوم من زيارة الدب لواشنطن.

اوباما وغيره، وانتو بعد يا مشاهدين، تعرفون ان ولد سلمانكو ما له اي قيمة بدون ابوه.

شيلوه ابوه على جنب، يطلع صفر على الشمال، وسلتوح بالمرتبة السادسة.

تعالوا نقارن بين هالأميرين، حمّودي ابو سروالين، مع ولد عمه فهد.

الدبّ الداشر عنده لحية، حتى يكبّر عمره. وابنه عمّه الامير فهد عنده لحية مرتّبة أحسن منه، وما عنده عقدة من عمره.

وولد سلمانكو يحب افلام اليابانية أنامي، يعني مستهلك؛ اما الامير فهد فتطور وصار منتج، وعنده شركة تنتج الافلام.

حمودي طلعت في قناة العربية وحفظوه اللي يقوله، وكل المعلومات اللي يبي ينشرها يوديها لموقع وتلفزيون بلومبيرغ. اما الأمير فيصل، فهو خطيب متحدث وقابلته السي ان ان ومحطات فرنسية وألمانية وامريكية.
حمّودي عنده طائرة خاصة، والأمير فهد عنده طائرة خاصة، لكن ما عنده مانع يركب في الطائرات التجارية.

ولد سلمانكو يسوّي حفلات بالسرّ، ويهيّص ويلعب ويصرف الملايين على كم ليلة. اما الأمير فهد، فهو يسوّي حفلات بالعلن، وما ينافق. يقول هذا أنا، وحفلاتي ما تجي مصاريفها واحد من عشرة الاف من قيمة حفلات ولد سلمان.

والدب الداشر فوق ذا، ينهب الميزانية، اما الأمير فهد فيعتمد على مخصصه كأمير، وما ينهب الميزانية ولا فلوس الضرايب، واذا احتاج عنده شركته، وما يعتبر ان الشغل عيب، حتى انه يمكن يترزّق ورا عرض الأزياء.

Видео الأمير فهد بن فيصل آل سعود. بديل أمريكا عن محمد بن سلمان канала Ghanem Show