Дәрігерлер батпақ тазалап жүр

Ел дәрігерлері жаппай екпе егуге көшкенде шымкенттік ақ халаттылар көшенің батпағымен күресе бастаған. Әлеуметтік желіге тараған бейнежазбада Шымкент қаласына қарасты емхананың қызметкерлері көшеге тас төсеп, адамдардың батпаққа түспей өтуіне жағдай жасап, әлек боп жүргені бейнеленген.
Бұл Шымкенттегі № 9 емханаға қарасты Жаңаталап елдімекеніндегі бөлімше қызметкерлері. Тас төсеп, жол аяқ салуда. Дәрігерлерге жүктелген қосымша міндеттің түріне сырт көз ғана емес, өздері де таңырқайтын тәрізді.
СӘУЛЕ, емхана қызметкері:
– Ана кірген кәрі кісілер де сөйлеп жатыр. Барлығы сөйлеп жатыр. Не деген батпақ. Жөндемейсіңдер ме, дейді бізге.
– Кімдер тасыды?
– Санитаркалар тасыды.
Бұл жер шынымен де батпаққа әбден батқан сияқты.
СӘРСЕН МЕЙІРБЕКОВ, Шымкент қаласының тұрғыны:
– Өздері кіріп шыға алмай жатыр ғой. Көріп жатырмыз ғой, оның бәрін.
Маңайдағы тұрғындар су құбырын тартпақ болған компания жерді қазғанын айтады. Кейін дұрыс көмбеген. Ал емхана қызметкерлеріне мұндай бұйрықты кім бергені белгісіз. Отыз бірінші арнаның түсірілім тобы келді дегенді естіген әкімдік емхана алдын ретке келтірдік деп хабарлады. Өздері ұсынған бейнежазбада тас төселіп, су себілген көріністер бар екен.

.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Дәрігерлер батпақ тазалап жүр канала Информбюро 31