ზემო სვანეთის სათემო ორგანიზაცია ხანდაზმულების მხარდასაჭერად

©️ www.Mtisambebi.ge - სულ რამდენიმე დღეა რაც დაფუძნდნენ და უკვე მოასწრეს 72 წლის ვალიდა აფრასიძის დახმარებაც სოფელ ეცერში. მასპინძელი აშკარად არ ელოდა იმდენ სტუმარს, ადრე დილით ზემო სვანეთის სათემო ორგანიზაციის წევრი ახალგაზრდები ხარებით, გუთნითა და თოხებით შეიარაღებულები რომ დაადგნენ. მთელი დღე იმუშავეს. ხარებს რუსლანი მიუძღოდა, გუთნის ჭერაში დათო და თემური ენაცვლებოდნენ ერთმანეთს. ნინო, ლალი, თამარი, რაშიბო და თამთა თან მიწას აფხვიერებდნენ, თან კარტოფილსა და ლობიოს თესავდნენ, ზაური ბოსტანს ეკალ-ბარდისგან ასუფთავებდა, ყველა ერთად კი მღეროდა - ეცერის ქვედა უბნიდან, რომელიც ხალხისგან თითქმის სრულადაა დაცლილი, მთელი დღე სვანური და ქართული სიმღერები ისმოდა.

Видео ზემო სვანეთის სათემო ორგანიზაცია ხანდაზმულების მხარდასაჭერად канала Mtisambebi / მთის ამბები