Октябрскæйы бындуронæй цалцæг кæнын райдыдтой районы поликликлиникæ

Октябрскæйы бындуронæй цалцæг кæнын райдыдтой районы поликликлиникæ. Бæстыхай сарæзтой 1988-æм азы. Уæдæй нырмæ цалцæггонд нæ уыди.

Арæзтадон куыстытæ райдыдтой фарон, ноябры. Æххæст сæ кæнынц Экономикон райрæзты министрады программæйы фæлгæты. Базилдзысты 4 уæладзыгмæ дæр. Уыимæ ма снывыл кæндзысты бæстыхайæн йе 'ддаг бакаст дæр. Ногæй раивдзысты рудзгуытæ, дуæрттæ. Фæзындзæн дзы дыууæ лифты.  Уымæй уæлдай, раивдзысты рухсдæттæн, хъармдæттæн æмæ дондзæуæн системæтæ дæр.

Ныридæгæн поликлиникæйы лæггад кæнынц Горæтгæрон районы 103 000 цæрæгæн. Цалцæджы фæстæ ам уавæртæ дзæвгар фæхуыздæр уыдзысты. Суанг ма дзы райсæн уыдзæн æвæстиатон æххуысы уат. Уыимæ ма хирург, дæндæгты дохтыр æмæ терапевты кусæн бынæттæ. Пъланмæ гæсгæ куыстытæ фæуыдзысты ацы азы кæрон.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Октябрскæйы бындуронæй цалцæг кæнын райдыдтой районы поликликлиникæ канала iRYSTON TV