КӨРШІҢ КІМ? «Жаңа қадам»

«Көршінің қызы керемет еді. Әкесі оның жақсы адам». Осы әнді арқау етіп, талай жігіт көршінің қызына үйленді емес пе? Олардың қатарында «осы қызды әперем» деген әжесінің сөзін қимағандар да, бала махаббаттарына адал болып, шаңырақ көтергендер де бар.
Көршілердің құда болуына көбіне не себеп болады екен? Ата-әже, әке-шешенің қалауы ма, әлде жігіт пен қыздың шынайы сезімі ме? Бұл сұрақтың жауабын студияға келген бүгінгі кейіпкерлерден сұраймыз. Бүгінгі эфирде жалпы көршілердің қарым-қатынасы жайлы сөз қозғамақпыз. «Алпыстағы ағайыннан жанындағы көршің артық» деген қазақ іргелес үйдің қадірін білген. Осындайда кезінде әке-шешеміз ауылдастарымен қалай араласқаны еріксіз ойға түседі. Алаңсыз шақ. Бірақ қазір көршілер арасында бір-бірінен қорқу, сенбеу, үрей басым секілді. Қалай ойлайсыздар? Біз көршілердің бір-бірімен татулығы, бауырдай араласып кетуі жайлы айтып жатырмыз. Бірақ көп қауіптің жақын үйден келетін де ұмытпағанымыз жөн. Көршілер арасында қандай дау-дамайлар туындайды? Және оларды заң тұрғысынан қалай шешуге болады? Жақсы көрші тапқаның – көп олжаға батқанын. Бұл мақал қай уақытта да өзектілігін жоймайды. Өйткені қиын жағдай бола қалса дереу қол ұшын беретін, көп жұмысың болса, асарлататын, жайлы көрші табу оңай емес.

Видео КӨРШІҢ КІМ? «Жаңа қадам» канала EL ARNA