Yekun xəbərlər 21.08.2021 Orduya ƏMR VERİLDİ - Bu kəndlər GERİ QAYTARILIR

Avqustun 21-i saat 12:30-dan 13:45-dək Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsində yerləşən mövqelərindən Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini fasilələrlə müxtəlif çaplı silahlardan atəşə tutub.
Bu barədə Axar.az-a Müdafiə Nazirliyindən məlumat verilib.
Cavab atəşilə qarşı tərəf susdurulub. Azərbaycan Ordusunun şəxsi heyəti arasında itki yoxdur.
İkinci Qarabağ Savaşında həlak olmuş, itkin düşmüş və yaralanmış erməni hərbçilərin ailələrinə dəstək göstərməklə məşğul olan Müstəqil Monitorinq Mərkəzinin verdiyi məlumata görə, son üç gündə Rusiyadan Ermənistana, İrəvandakı "Zvartnots" aeroportuna hərbi-nəqliyyat təyyarələri 3 reys ediblər. Boşaltma əməliyyatlarından sonra bəlli olub ki, təyyarələrin yükləri xüsusi laboratoriya, hərbi və mülki həkimlərdən ibarət bir neçə briqada, habelə dərman preparatı və vasitələr olub. Yüklər təcili qaydada Xankəndinə daşınıb. Ermənistan Müdafiə Nazirliyinin Mərkəzi Hərbi Hospitalının təcili yardım maşınlarından birinin sürücüsünün dediyinə görə, Rusiyanın Qarabağdakı sülhməramlı kontingentinin mənsubları arasında zöhrəvi xəstəliklər yayılıb. Tibbi briqada və xüsusi laboratoriya rusiyalı sülhməramlıların Xankəndindəki əsas bazasının sanitar hissəsi üçün nəzərdə tutulub. "Mən də maşınımla Xankəndinə müxtəlif dərmanlar və avadanlıq daşımışam, - sürücü deyib. - İkinci reysdə yükü Rusiyanın Gümrüdəki 102-ci bazasının sanitar hissəsinin təlimatçısı mayor Stepanov müşayiət edirdi. O, dedi ki, Qarabağdakı rusiyalı sülhməramlılar arasında müxtəlif mikroblar, göbələk xəstəlikləri və zöhrəvi xəstəliklər, habelə qaşınma, qoturluq, ekzema və vərəm yayılır. Yoluxmuş rusiyalı hərbçilərin analizlərini Moskvaya, Müdafiə Nazirliyinin Mərkəzi Hospitalının laboratoriyasına da göndəriblər. Həmin analizləri HİV-QİÇS-lə bağlı yoxlayacaqlar". Xankəndini tərk etmiş ermənilərlə söhbətlər zamanı Monitorinq Mərkəzinin əməkdaşları öyrəniblər ki, Xankəndində bütün ictimai iaşə müəssisələri, kiçik otellər və hostellər, habelə sutkalıq kirayəyə verilən mənzillər bordellərə çevrilib. Növbətçilikdən sonra rusiyalı sülhməramlılar oralarda dincəlməyi xoşlayırlar. Xankəndində "masaj salonları"nın sayı da artıb. Yerli erməni qadınların "xidmət"lərindən istifadə edən rusiyalı sülhməramlılara narkotik maddələr də satırlar. Rusiyalı sülhməramlıların belə "macəra"ları nəticəsində Xankəndinin mərkəzindəki hərbi bazada - əvvəllər 366-cı motoatıcı alayın yerləşdiyi hərbi hissə - zöhrəvi xəstəliklərə yoluxan və ya vərəm olan sülhməramlılar üçün əlavə korpus tikilir. Bu yaxınlarda mini narkoloji dispanser də tikiləcək, çünki sülhməramlıların komandanlığı biabırçı faktların mediaya sızmasını istəmir. Şəxsi heyət arasında dəri-zöhrəvi xəstəliklərin yayıldığına görə Rusiyanın Müdafiə Nazirliyi Qarabağdakı sülhməramlıların komandanlığına artıq şifahi xəbərdarlıq da edib. Qarabağdakı rusiyalı sülhməramlıların maaşı sutkada 17 dollar olduğundan, qarabağlı erməni qadınlar arasında onlara "xidmət" göstərənlərin sayının sürətlə artımı ilə yanaşı, Ermənistanın müxtəlif yerlərindən Xankəndinə əxlaqsız erməni qadınların axını müşahidə olunur.Erməni bloger Mika Badalyan yeni müharibə anonsu verib.
KONKRET.az xəbər verir ki, bu haqda o, özünün Telegram kanalında yazıb.

Bloger düşüncələrinə bu cümlələrlə başlayıb:
“Aydındır ki, biz məğlubiyyətdən və “dağıdıcı” seçkilərdən ayılanadək Azərbaycan Ermənistana qarşı yeni genişmiqyaslı müharibəyə hazırlaşır. Bu dəfə düşmən qoşunlarının hücumunun əsas məqsədləri belə olacaq:
1) Naxçıvanın Kərki kəndinin ələ keçirilməsi, bununla da Zəngəzurun Ermənistanın mərkəzi hissəsindən kəsilməsi;
2) Meğri, Sisyan bölgələrinin (və ya onlardan birinin) tutulması, Zəngəzur dəhlizinin açılması (Azərbaycanın Türkiyə ilə birbaşa quru əlaqəsi olacaq);
3) Göyçə gölünün şərq sahilinin zəbt edilməsi, gölün su ehtiyatlarına nəzarətin qurulması;
4) Noyemberyan və İcevan rayonlarının (Qazaxın işğalda olan kəndlərini nəzərdə tutur) bəzi hissələrinin geri qaytarılması, Ermənistanla Gürcüstan arasındakı yola nəzarət edilməsi. Və Ermənistan hökuməti ölkənin mövcudluğunu təhdid edən və yaxınlaşan müharibəyə qarşı nə edəcək?
Erməni generalları və Baş Qərargah bu barədə nə düşünür?
Ermənistan Respublikası Milli Təhlükəsizlik Xidməti nə proqnozlaşdırır?
Parlamentin müxalifəti nə etməyi planlaşdırır?”.
Badalyan müdafiə sahəsində həll edilməmiş çoxlu problemlərin olduğu deyib:
“Başqa problemlərlə məşğul olmağa vaxtımız yoxdur. Təcili olaraq müdafiə xəttini gücləndirməliyik, ordunu yenidən təchiz etməliyik, Ehtiyatda olan hərbçilərin resursu ilə genişmiqyaslı təlimlər keçirməliyik, ölkəni qarşıdakı münaqişəyə hazırlamalıyıq. Əks təqdirdə, dövlətimiz dünyanın siyasi xəritəsindən yox olacaq. Və bütün bunlar Paşinyanın və onun sektasının “Gələcəyimiz var” şüarları altında baş tutacaq”.

Видео Yekun xəbərlər 21.08.2021 Orduya ƏMR VERİLDİ - Bu kəndlər GERİ QAYTARILIR канала Musa Media