«Самұрық Қазынаның» үлесін әрбір қазақстандыққа бөлетін болса айына 500 теңге шығады

«Самұрық-Қазына» қорының үлесін әрбір қазақстандыққа бөліп беретін болсақ айына 500 теңге түсіп отырады. Осыны айтқан депутаттар қор басшылығы асығыс шешім қабылдап жатыр, салдары ауыр болады деп отыр. Аманжан Жамаловтың пікірінше, қордың бейінді, бейінді емес активтеріне аудит жүргізу керек.
Депутаттар әу баста ел қазынасына миллиардтар құяды деп ашылған "Самұрық-Қазынаның" керісінше, бюджетке берерінен, алатыны көбейіп кеткенін айтты. Мысалы, 2019 жылы қордың таза табысы 1,4 триллион болғанымен, бюджетке тек 120 миллиард теңге аударған. Ал, сыртқы қарызы 7,5 триллион теңге, яғни 18 милилард долларға жуықтайды. Мәжілісмендер осы уақытқа дейін мемлекеттен қаржы алып келген қор басшылығы табысты қайда бөлетінін, қайдан қарыз алып, қалай қайтаратынын тек өздері шешті дейді. Депутат Аманжан Жамалов егер, асығыс шешім қабылдайтын болсақ, Қорға қарызға ақша берген кредиторлар кез келген сәтте пайыздық ставканы көтеріп жіберуі мүмкін дейді.
АМАНЖАН ЖАМАЛОВ, ҚР Парламенті Мәжілісінің депутаты:
– Самұрық шығарған еурооблигациялар мен ұлттық компаниялардың сырттан алған қарызы негізгі борышты уақытында қайтаруды, пайыз, айыппұл мен өсімпұлдарды өтеуді көздейді. Егер қорды реформалау жайлы асығыс шешім қабылданса, бұл кредиторлардың алаңдаушылығын туғызады. Олар кез келген сәтте пайыздық ставканы көтеруді немесе кредитті мерзімінен бұрын төлеуді талап етуі мүмкін.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#СамұрықҚазына #дивидент #ҰлттықКомпаниялар

Видео «Самұрық Қазынаның» үлесін әрбір қазақстандыққа бөлетін болса айына 500 теңге шығады канала Информбюро 31